The news is by your side.

Advertisement

افغانستان میں فوجی آپریشن کیلئے فضائی حدود کا استعمال ، امریکا اور پاکستان معاہدے کے قریب، امریکی نشریاتی ادارے کا دعویٰ

واشنگٹن : امریکی نشریاتی ادارے نے دعویٰ کیا ہے کہ  امریکا افغانستان میں فوجی آپریشن کے لئے پاکستان کی فضائی حدود استعمال کیلئے معاہدے کے قریب پہنچ گیا ہے۔

تفصیلات کے مطابق امریکی نشریاتی ادارے سی این این نے دعویٰ کیا ہے امریکا اور پاکستان کے درمیان افغانستان میں فوجی آپریشن کے لئے پاکستان کی فضائی حدود استعمال کیلئے باضابطہ معاہدہ ہونے کے قریب ہے۔

امریکی کانگریس ارکان کو بریفنگ میں بائیڈن انتظامیہ کا کہنا ہے کہ امریکا پاکستان کی فضائی حدود استعمال کرنے کے لیے جلد باضابطہ معاہدے کرے گا۔

امریکی نشریاتی ادارے نے دعویٰ کیا ہے کہ پاکستان نے بھی ایک ایم او یو پر دستخط کرنے کی خواہش کااظہارکیا ہے اور اس معاہدے کے بدلے میں امریکا سے انسداد دہشت گردی کیلئے اپنے اقدامات اور بھارت سے تعلقات میں بہتری کیلئے تعاون چاہتا ہے۔

سی این این کا کہنا ہے کہ اس حوالے سے دونوں ممالک کے درمیان اس معاملے پر مذاکرات جاری ہیں تاہم معاہدے کی شرائط کوابھی حتمی شکل نہیں دی جاسکی، اس میں تبدیلی کی جاسکتی ہے۔

امریکی نشریاتی ادارے کے مطابق امریکی فوج افغانستان میں خفیہ معلومات کیلئے بغیرکسی معاہدے کے پاکستانی حدوداستعمال کر رہی ہے۔

Comments

یہ بھی پڑھیں