The news is by your side.

Advertisement

کروناوائرس: ’امریکا کی پاکستان کیلئے 80 لاکھ ڈالر سے زائد کی نئی امداد‘

واشنگٹن: پاکستان میں تعینات امریکی سفیر جونزپال نے کہا ہے کہ امریکا 80لاکھ ڈالر سے زائد کی نئی امداد کے ساتھ پاکستان کی مدد کررہا ہے۔

تفصیلات کے مطابق اپنے ایک بیان میں امریکی سفیر کا کہنا تھا کہ امریکا کرونا پھیلاؤ اور متاثرہ افراد کی دیکھ بھال میں پاکستان سے تعاون کررہا ہے، پاکستانی حکام نے تمام عطیات کی فراہمی کو ترجیحی ضرورت قرار دیا تھا۔

انہوں نے کہا کہ یہ تمام تراخراجات امریکی عوام ادا کررہے ہیں، مالی معاونت متعدد امدادی سرگرمیوں کے لیے بروئےکارلائی جائے گی، 30لاکھ ڈالر کی عطیات کے ذریعے 3نئی تجربہ گاہیں بھی شامل ہیں، تجربہ گاہوں میں مرض کی تشخیص، علاج اور پھیلاؤ روکنے کی نگرانی کی جائے گی۔

امریکا کروناوائرس کے خلاف لڑائی میں پاکستان کےساتھ کھڑا ہے،امریکی سفیر

سفیر کا کہنا ہے کہ چاروں صوبوں میں جدید آپریشنز سینٹرز کے لیے 10لاکھ ڈالر کی مامی اعانت کی جائے گی، صحت کی دیکھ بھال کے لیے مقامی کارکنوں کی تربیت کیلئے مزید 20لاکھ ڈالر فراہم کیے۔

جونزپال کا مزید کہنا تھا کہ مقامی کارکنوں کو لوگوں کا گھر پر خیال رکھنے کے قابل بنایا جائے گا تاکہ اسپتالوں پر بوجھ کم ہو، یو این ہائی کمشنر کے تحت پاکستان میں افغان مہاجرین کی صحت کے یے 24 لاکھ ڈالر فراہم کیے گئے۔

Comments

یہ بھی پڑھیں