امریکا میں پولیس گردی کا ایک اور واقعہ -
The news is by your side.

Advertisement

امریکا میں پولیس گردی کا ایک اور واقعہ

ٹیکساس: امریکی ریاست ٹیکساس میں ایک اور نہتا شخص پولیس گردی کا نشانہ بن گیا۔

امریکا میں پولیس کے ہاتھوں نہتے افراد کا قتل تقریبا روز کا معمول بن گیا ہے، ایسا ہی ایک واقع امریکی ریاست ٹیکسس میں رونما ہوا جب ایک شخص نے گرفتاری کیلئے اپنے ہاتھ ہوا میں بلند کئے تاہم پولیس اہلکاروں نے اسے گرفتار کرنے کے بجائے گولیاں مار کر قتل کر دیا، جس کی ویڈیو ایک راہ گیر نے اپنے موبائل فون میں ریکارڈ کر لی۔

اطلاعات کے مطابق ایک عورت نے پولیس کو کال کی کہ اس کے شوہر اکتالیس سالہ گلبرٹ نے اسے اور اس کے بیس روز کے بچے پر تشدد کیا ہے جس کے بعد پولیس نے موقع پر پہنچ کر گلبرٹ کو گرفتار کرنے کی کوشش کی لیکن جب ملزم نے اپنے آپ کو پولیس کے حوالے کرنے کی رضا مندی کا اظہار کیا تو اسے گولی مار دی گئی۔

گلبرٹ اور دنوں پولیس اہلکار ہسپانوی نژاد بتائے جاتے ہیں۔

میڈیا رپورٹس کے مطابق دونوں پولیس اہلکار جسم پر لگائے گئے کیمروں کے بغیر تھے اور ابتدائی بیان میں انہوں نے گلبرٹ کی جانب سے مزاحمت کرنے پر گولی چلانے کا اعتراف کیا تاہم ایک شہری کی جانب سے بنائی گئی ویڈیو نے دونوں پولیس اہلکاروں کے جھوٹ کا بھانڈا پھوڑ دیا، پولیس اہلکاروں کو فوری طور پر انتظامی چھٹی پر بھیج کر مزید تفتیش شروع کر دی گئی ہے۔

Comments

comments

یہ بھی پڑھیں