تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکا کا بھارت سے مقبوضہ کشمیر میں پابندیاں فوری ختم کرنے کا مطالبہ

واشنگٹن: امریکی نائب وزیرخارجہ برائےجنوبی ایشیا ایلس ویلز نے بھارت پر زور دیا ہے کہ مقبوضہ کشمیر میں پابندیاں فوری طور پر ختم کی جائیں۔

اپنے ایک بیان میں ایلس ویلز کا کہنا تھا کہ جموں وکشمیر میں وسیع پیمانے پر گرفتاریوں اور پابندیوں پر امریکا کو تشویش ہے، بھارت کشمیر میں فوری طور پر پابندیاں ختم کرے۔

انہوں نے کہا کہ جموں وکشمیر میں سیاستدان اور تاجر رہنما بھی زیر حراست ہیں، بھارت زیرحراست افراد کو رہا کرے، بھارتی حکومت کے مقامی سیاسی قائدین سے مذاکرات کی بحالی کے منتظر ہیں۔

ان کا کہنا تھا کہ بھارت کشمیر میں انتخابات کا انعقاد جلد یقینی بنائے، کشمیر میں بھارت کی طرف سے جلد اقدامات کی توقع ہے، امریکا نے بھارت سے اعلیٰ ترین سطح پر تشویش کا اظہار کیا ہے۔

امریکی نائب وزیرخارجہ برائےجنوبی ایشیا ایلس ویلز کا مزید کہنا تھا کہ اگردونوں ممالک تیارہوں تو ٹرمپ ثالثی کیلئے تیار ہیں، بھارت طویل عرصے سے معاملے پر کسی بیرونی کردار کو مسترد کرتا آرہا ہے۔

کشمیر بھارت کے رحم وکرم پر رہا تو جنگ کو کوئی نہیں‌ روک سکے گا، سردار مسعود خان

ادھر صدر آزاد کشمیر سردار مسعود خان کا کہنا ہے کہ نہتے اور پرامن کشمیری بھارت کی نو لاکھ مسلح ترین فوج کا مقابلہ کر رہے ہیں، اقوام متحدہ اپنے چارٹر کے باب چھ اور سات کے تحت مقبوضہ کشمیر میں مداخلت کرے۔

سردار مسعود خان نے اقوام متحدہ کی سلامتی کونسل اور اسلامی تعاون تنظیم (او آئی سی) سے مطالبہ کیا کہ وہ جنوبی ایشیاء سمیت پوری دنیا کے امن و سلامتی کو لاحق خطرات ٹالنے اور اسی لاکھ کشمیریوں کی نسل کشی روکنے کے لئے فوری مداخلت کریں، کشمیر بھارت کے رحم وکرم پر رہا تو جنگ کو کوئی نہیں‌ روک سکے گا۔

Comments

- Advertisement -