واشنگٹن: امریکی صدر ڈونلڈ ٹرمپ نے کہا ہے کہ سیاہ فاموں میں بےروزگاری کی کم ترین شرح میرے اقدامات کی مثال ہے، میری انتظامیہ نے سیاہ فام کمیونٹی کے لیے ابراہم لنکن کے بعد سے سب سے زیادہ کام کیا۔
تفصیلات کے مطابق امریکی صدر نے سماجی رابطے کی ویب سائٹ ٹوئٹر پر ٹوئٹ کیا کہ ملک میں قدیم سیاہ فام کالج یونیورسٹیوں کی لیے لازمی فنڈنگ اور کرمنل جسٹس ریفارمز میرے دور میں ہوئے۔
ان کا کہنا تھا کہ سیاہ فاموں میں بےروزگاری کی کم ترین شرح میرے اقدامات کی مثال ہے۔ امریکی صدر نے صدارتی امیدوارجوبائیڈن پر بھی کڑی تنقید کی۔ ٹرمپ نے کہا کہ جوبائیڈن نے 40سال سے سیاست میں ہونے کے باوجود کچھ نہیں کیا، وہ اب ایسے ڈھونگ کررہا ہے جیسے ہر مسئلے کا حل پتہ ہے۔
My Admin has done more for the Black Community than any President since Abraham Lincoln. Passed Opportunity Zones with @SenatorTimScott, guaranteed funding for HBCU’s, School Choice, passed Criminal Justice Reform, lowest Black unemployment, poverty, and crime rates in history…
— Donald J. Trump (@realDonaldTrump) June 2, 2020
ٹرمپ نے ٹوئٹ میں کہا کہ جوبائیڈن کو تو مسائل تک کا نہیں پتہ، کمزوری کبھی بھی انتشار پسندوں، لٹیروں اور چوروں کو شکست نہیں دےسکتی، جوبائیڈن ساری زندگی سیاسی طور پر کمزور رہا ہے۔
So pathetic to watch the Fake News Lamestream Media playing down the gravity and depravity of the Radical Left, looters and thugs, ripping up our Liberal Democrat run (only) cities. It is almost like they are all working together?
— Donald J. Trump (@realDonaldTrump) June 3, 2020
امریکی صدر نے اپنے ایک اور ٹوئٹ میں تشویش کا اظہار کرتے ہوئے کہا کہ فیک میڈیا کا انتہاپسندوں کی کارروائیوں اور لوٹ مار کرنے والوں کو نظر انداز کرنا بھی افسوسناک ہے، ایسا لگتا ہے سب مل کر کام کررہے ہیں۔
خیال رہے کہ امریکا بھر میں احتجاجی مظاہروں کا سلسلہ بدستور جاری جاری ہے۔ کئی شہروں میں مظاہرین نے کرفیو توڑ دیا اور سڑکوں پرنکل آئے۔ واشنگٹن ڈی سی، نیویارک، ہیوسٹن، شکاگو اور لاس اینجلس کی سڑکوں پر مظاہرے ہورہے ہیں۔ وائٹ ہاؤس کے باہر بھی گزشتہ روز پولیس تشدد کے بعد آج پھر شہری جمع ہوگئے۔
پولیس نے کرفیو پر عمل درآمد کی اپیل کی جبکہ مظاہرین نے ٹرمپ کے خلاف نعرے بازی کی۔ مظاہرین نے مقتول جارج فلوئیڈ سے اظہاریکجتہی اور قاتلوں کو سزا دینے کا مطالبہ کیا۔ واضح رہے کہ سیاہ فام جارج فلوئیڈ کو پولیس اہلکاروں نے 25مئی کو دوران حراست قتل کیا تھا۔ برطانیہ، آسٹریلیا سمیت کئی ملکوں میں احتجاج کا دائرہ پھیل گیا ہے۔
