سان فرانسسکو: پاکستانی سفیر مسعود خان کا کہنا ہے کہ امریکہ آئی ٹی سیکٹرمیں پاکستان کی معاونت کے لئے تیار ہے۔
تفصیلات کے مطابق پاکستانی سفیرمسعودخان نے پاکستان ٹیک سمٹ 2022 سے خطاب کرتے ہوئے کہا کہ پاکستان میں آئی ٹی سیکٹر کی ترقی کے روشن امکانات ہیں، امریکا آئی ٹی سیکٹرمیں پاکستان کی معاونت کے لئے تیار ہے۔
،پاکستانی سفیر کا کہنا تھا کہ ٹیکنالوجی کے شعبے میں تعلقات کو مستحکم کرنے کا وقت آگیا ہے، 18 ماہ میں پاکستانی ٹیک سٹارٹ اپس نے نصف بلین ڈالرزکمائے۔
مسعودخان نے کہا کہ حکومت پاکستان ٹیک انڈسٹری کی ترقی کیلئے اقدامات اٹھانے کیلئے پُرعزم ہے۔
یاد رہے گذشتہ ہفتے امریکا نے پاکستان میں بجلی کے شعبے کی بہتری کے 23.5 ملین ڈالر کے منصوبے کا آغاز کیا تھا ، منصوبے کا مقصد موسمیاتی تبدیلی کے اثرات سے نمٹنا ہے۔
منصوبہ 4 سالہ میں مکمل ہوگا اور اس پر 2 کروڑ 35 لاکھ ڈالر لاگت آئے گی۔
