روس کی جانب سے بدلہ لینے کے اعلان کے باوجود امریکا نے یوکرین میں ڈیٹرنس فورسز کیلئے ایئرڈیفنس سسٹم فراہم کرنے سے انکار کر دیا۔
بلومبرگ کی رپورٹ کے مطابق امریکی صدر ٹرمپ نے برطانیہ و فرانس کی درخواستیں مسترد کر دیں یورپی اتحادیوں کو امریکی عدم تعاون پر تحفظات ہیں۔
ٹرمپ کی جانب سے یوکرین کو امریکی ایئرپاور کے استعمال کی اجازت نہ مل سکی۔
یورپی افواج کی مشرقی نیٹو سرحد پر تعیناتی اور بلیک سی میں گشت کا نیا پلان جاری کر دیا گیا ہے۔ ٹرمپ نے اتحادی افواج پر روسی حملے کی صورت میں مداخلت کی یقین دہانی نہیں کرائی۔
پینٹاگون نے یوکرین کیلئے تیار کچھ ایئرڈیفنس سسٹم مشرق وسطیٰ میں تعینات کر دیئے ہیں۔
یورپی رہنما کا کہنا ہے کہ روسی حملے روکنے کےلیے امریکی سیکیورٹی ضمانتیں ضروری ہیں تاہم برطانیہ اور فرانس نے یوکرین میں افواج کی تعیناتی کا منصوبہ مؤخر کر دیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں