ٹرمپ کے مشیر نے دعویٰ کیا ہے کہ تیل بردار آئل ٹینکرز نے آبنائے ہرمز سے گزرنا شروع کر دیا ہے۔
وائٹ ہاؤس کے اقتصادی مشیر کیون ہیسٹ نے منگل کے روز کہا کہ آئل ٹینکرز آبنائے ہرمز سے گزر رہے ہیں اور ایران کی جانب سے اہم شپنگ لین میں ٹریفک کو روکنے کے اقدامات سے امریکی معیشت کو کوئی نقصان نہیں پہنچا ہے۔
انہوں نے کہا کہ آبنائے ہرمز سے آئل ٹینکرز کا گزرنا دلیل ہے ایران کے پاس زیادہ طاقت باقی نہیں رہی، جنگ مہینوں نہیں بلکہ چند ہفتوں میں ختم ہو جائے گی اور جنگ ختم ہونے کے بعد تیل کی قیمتوں پر مثبت اثرات مرتب ہوں گے۔
کیون ہیسٹ نے کہا کہ ایران کا بحری راستہ روکنے کی کوششوں سے امریکی معیشت کو کوئی نقصان نہیں پہنچا لیکن تشویش ہے ایشیائی ممالک اپنی ضرورت پوری کرنے کےلیے امریکا کو تیل کی برآمدات کم کر سکتے ہیں تاہم وائٹ ہاؤس کے پاس اس کا متبادل منصوبہ موجود ہے۔
مشیر نے کہا کہ ایران میں امریکی کارروائی چین کے مفاد میں بھی ہے جنگ جلد ختم ہو گی تو امید ہے چینی صدر اس پر امریکا کا شکریہ ادا کریں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں