ریاض: امریکا کے نومنتخب وزیر خارجہ مائیک پومپیو سرکاری دورے پر سعودی عرب پہنچ گئے جہاں انہوں نے سعودی وزیر خارجہ عادل الجبیر سے ملاقات کی۔
تفصیلات کے مطابق امریکا میں دو روز قبل منتخب ہونے والے نئے امریکی وزیر خارجہ مائیک پومپیو سرکاری دورے پر سعودی عرب پہنچے ہیں جہاں انہوں نے سعودی وزیر خارجہ عادل الجبیر سے ملاقات کی اور خطے سے متعلق دو طرفہ امور پر تبادلہ خیال کیا۔
ترجمان امریکی وزارت خارجہ کی جانب سے جاری کردہ بیان میں کہا گیا ہے کہ ملاقات میں دونوں رہنماؤں کے درمیان دوطرفہ امور اور باہمی تعلقات پر تفصیلی بات چیت کی گئی، سعودی عرب کا خطے میں امن کے لیے اہم کردار ہے اور امریکا سعودی شراکت داری امن کے حصول کے لیے ناگزیر ہے۔
نومنتخب امریکی وزیر خارجہ مائیک پومپیو برسلز پہنچ گئے
خیال رہے کہ گذشتہ روز امریکا کے نئے وزیر خارجہ مائیک پومپیو حلف اٹھانے کے تقریباً بارہ گھنٹے بعد ہی مغربی دفاعی اتحاد نیٹو کی ایک اہم میٹنگ میں شرکت کے لیے برسلز پہنچے تھے جبکہ میٹنگ کے دوران ملکی صورت حال سمیت اہم امور پر تبادلہ خیال کیا گیا تھا۔
یاد رہے کہ گذشتہ روز امریکی سینیٹ نے سی آئی اے کے سابق سربراہ مائیک پومپیو کو امریکا کے وزیر خارجہ کے طور پر منتخب کرلیا ہے جبکہ امریکی صدر ڈونلڈ ٹرمپ نے پومپیو کو گذشتہ ماہ وزیر خارجہ کا قلمدان سوپنا تھا۔
امریکا:سینیٹ نے سابق سربراہ سی آئی اے مائیک پومپیو کو وزیر خارجہ منتخب کرلیا
واضح رہے کہ امریکی سینیٹ میں وزیر خارجہ کے لیے ووٹنگ کروائی گئی تھی انتخابی عمل میں 57 سینیٹرز نے شرکت کی تھی جس میں 42 ارکان سینیٹ نے مائیک پومیو کے حق میں فیصلہ دے کے بطور وزیر خارجہ منتخب کرلیا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
