واشنگٹن: امریکا نے وینزویلا سے منسلک ایک اور آئل ٹینکر پر قبضہ کرلیا۔
غیرملکی خبررساں ادارے کی رپورٹ کے مطابق کیریبین سی میں ویرونیکا نامی بحری جہاز کو امریکی فورسز نے بغیر کسی تصادم کے تحویل میں لیا ہے۔
حکام کا کہنا ہے کہ ویرونیکا امریکی پابندیوں کی خلاف ورزی کررہا تھا جس پر کارروائی کی گئی۔
واضح رہے کہ یہ چھٹا ٹینکر ہے جسے امریکا نے قبضے میں لیا ہے۔
یہ پڑھیں: امریکا نے وینزویلا کا 500 ملین ڈالر کا تیل عالمی منڈی میں فروخت کر دیا
یاد رہے کہ امریکا نے وینزویلا کا تقریباً 500 ملین ڈالر مالیت کا تیل بین الاقوامی مارکیٹ میں فروخت کر دیا ہے، جب کہ وینزویلا کی عبوری اتھارٹیز آئندہ مرحلے میں 30 سے 50 ملین بیرل تیل امریکا کے حوالے کریں گی۔
امریکی وزیر توانائی کرس رائٹ کے مطابق امریکا کے حوالے کیے جانے والے تیل کی موجودہ مارکیٹ ویلیو تقریباً 2.8 ارب ڈالر بنتی ہے۔
انھوں نے بتایا تھا کہ امریکی حکومت اس تمام عمل اور تیل کی فروخت کی براہِ راست نگرانی کر رہی ہے، جب کہ فروخت سے حاصل ہونے والی رقم واشنگٹن کے زیرِ کنٹرول اکاؤنٹس میں جمع کرائی جائے گی۔
کرس رائٹ کا کہنا تھا کہ آنے والے دنوں اور ہفتوں میں وینزویلا کے مزید تیل کی فروخت متوقع ہے، جس کا مقصد وینزویلا کی معاشی بحالی اور توانائی کے شعبے میں استحکام لانا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں