The news is by your side.

Advertisement

امریکی سینیٹر کا شاہ محمود قریشی سے رابطہ، کشمیر کی صورتحال پر تبادلہ خیال

واشنگٹن: امریکی ری پبلکن پارٹی کے سینیٹر لنزے گراہم اور وزیرخارجہ شاہ محمود قریشی کا ٹیلی فونک رابطہ ہوا اس دوران بھارت کے حالیہ اقدامات پر تبادلہ خیال کیا گیا۔

تفصیلات کے مطابق ٹیلی فونک گفتگو کے دوران دنوں رہنماؤں نے کشمیر کی حالیہ صورت حال کا جائزہ لیا، ری پبلکن سینیٹر نے امریکی اقدامات پر تشویش کا اظہار کیا۔

لنزے گراہم کا کہنا ہے کہ بھارت کی کشمیر کی حیثیت بدلنے کے معاملے کو فوری دیکھنا ہوگا، اس سے پہلے کشیدگی میں اضافہ ہو کشمیر کا معاملہ زیرغور آنا چاہیے۔

ان کا مزید کہنا تھا کہ دنیا مسئلہ کشمیر پر مزید پاک بھارت محاذآرائی نہیں دیکھ سکتی۔ شاہ محمود قریشی نے سینیٹر کو بھارتی جارحیت سے بھی آگاہ کیا۔

مسئلہ کشمیر: عمران خان کا برطانوی وزیر اعظم بورس جانسن کو ٹیلی فون

قبل ازیں وزیر اعظم عمران خان نے برطانوی وزیر اعظم بورس جانسن کو ٹیلی فون کیا ہے، دونوں وزرائے اعظم نے مقبوضہ کشمیر کی تازہ ترین صورتحال پر بات چیت کی۔

یاد رہے کہ مقبوضہ کشمیر کی تازہ صورتحال اور بھارت کے غیر قانونی اقدام کیخلاف کے پیش نظر وزیر اعظم عمران خان عالمی رہنماﺅں سے رابطے جاری رکھے ہوئے ہیں۔

Comments

comments

یہ بھی پڑھیں