The news is by your side.

Advertisement

امریکی سینیٹرمیگی حسن کا مقبوضہ کشمیرکی صورت حال پرتشویش کا اظہار

نیویارک: امریکی سینیٹر میگی حسن نے مقبوضہ کشمیر کی صورت حال پر تشویش کا اظہار کرتے ہوئے کہا کہ بھارتی حکام سے کشیدہ صورت حال پر بات کروں گی۔

تفصیلات کے مطابق امریکی سینیٹر میگی حسن نے کہا کہ دورہ پاکستان کے دوران وزیراعظم اور آرمی چیف سے ملاقات میں خطے میں استحکام، انسداد دہشت گردی پرتبادلہ خیال کیا۔

میگی حسن نے کہا کہ کشیدہ صورت حال کے پیش نظر آزاد کشمیرکا دورہ کیا، دونوں جانب کشیدگی ختم کرنے کے لیے نکلنا ہوگا۔ انہوں نے کہا کہ پاکستان کے بعد بھارت جا رہی ہوں۔

امریکی سینیٹر میگی حسن نے مقبوضہ کشمیر کی صورت حال پر تشویش کا اظہار کرتے ہوئے کہا کہ بھارتی حکام سے کشیدہ صورت حال پر بات کروں گی۔

امریکی کانگریس کے وفد کا آزاد کشمیر کا دورہ

اس سے قبل 6 اکتوبر کو امریکی کانگریس کے وفد نے آزاد کشمیر کے دورے میں صدر سردار مسعود خان اور وزیراعظم آزاد کشمیر راجہ فاروق حیدر سے ملاقاتیں کیں تھی، امریکی سینیٹرز کے وفد میں سینیٹر کرس وان اور میگی حسن شامل تھے۔

ترجمان دفترخارجہ کا کہنا تھا کہ امریکی سینیٹرز نے مقبوضہ کشمیر میں انسانی حقوق کی خلاف ورزیوں پر گہری تشویش کا اظہار کرتے ہوئے مطالبہ کیا تھاکہ مقبوضہ کشمیر سے فوری کرفیو ختم کرکرے زیرحراست افراد کو رہا کیا جائے۔

یاد رہے کہ بھارت نے امریکی سینیٹر کرس وان کو مقبوضہ کشمیر کے دورے کی اجازت دینے سے انکار کردیا تھا۔

Comments

comments

یہ بھی پڑھیں