The news is by your side.

Advertisement

امریکا نے افغان امن عمل میں پاکستان سے مدد مانگ لی

واشنگٹن : امریکا نے افغان امن عمل میں پاکستان سے مدد مانگ لی، امریکی صدرکی نائب معاون لیزا کرٹس کا کہنا ہے کہ امن مذاکرات میں پاکستان کا تعاون ضروری ہے۔

تفیصلات کے مطابق امریکا نے خطے میں پاکستان کی اہمیت ایک بار پھر تسلیم کرلی اور افغانستان میں امن مذاکرات کے لیے پاکستان سے مدد مانگ لی۔

امریکی صدر کی نائب معاون لیزا کرٹس نے کہا کہ طالبان سے مذاکرات کیلئے تیار ہیں لیکن ایسا پاکستان کے تعاون کے بغیر ممکن نہیں، امن عمل میں پاکستان کے مفادات کا خیال رکھنا ہوگا۔

لیزا کرٹس کا کہنا تھا کہ افغانستان میں امن کے لئے پاکستان کے خدشات پرتوجہ دینا ہوگی، امریکا مذاکرات میں شامل ہوگا لیکن افغان حکومت کی نمائندگی نہیں کرے گا، افغانستان میں امن کی بحالی کے لئے کوششوں کو آگے بڑھا رہے ہیں۔

خیال رہے کہ رواں سال  4 اپریل کو امریکی سفارت خانے کی جانب سے نائب سیکریٹری خارجہ ایلس ویلز کے دورہ پاکستان سے متعلق اعلامیے میں‌ کہا گیا تھا کہ پاکستان اور امریکہ مشترکہ تعاون کے ساتھ ہی افغانستان کے پرامن مسئلے کا حل تلاش کرسکتے ہیں

اس سے قبل  یکم مارچ کو امریکا کی معاون نائب وزیرخارجہ ایلس ویلز کا کہنا تھا کہ موجودہ صورتحال میں یہ نہ سمجھا جائے کہ پاکستان سے تعلقات ختم کرنے کا سوچ رہے ہیں، انتہا پسند تنظیموں کےخلاف پاکستان سے مل کر کام کرنا چاہتے ہیں۔

واضح  رہے کہ نئے سال کے آغاز پرامریکی صدرڈونلڈ ٹرمپ کا کہنا تھا کہ 15 سالوں میں 33 ارب ڈالر امداد دینے کے باوجود پاکستان نے امریکہ کو سوائے جھوٹ اور دھوکے کے کچھ نہیں دیا۔


Comments

comments

یہ بھی پڑھیں