The news is by your side.

Advertisement

امریکی نمائندہ خصوصی زلمے خلیل زاد کی پاکستان آمد مزید تاخیر کا شکار

واشنگٹن: امریکی نمائندہ خصوصی زلمے خلیل زاد کی پاکستان آمد مزید تاخیر کا شکار ہوگئی، دورہ پاکستان میں وہ اعلیٰ حکومتی عہدیداروں سے ملاقات کریں گے۔

تفصیلات کے مطابق زلمے خلیل زاد نے گزشتہ روز سہ پہر کو پاکستان پہنچنا تھا، شیڈول میں تبدیلی کے بعد زلمے خلیل زاد کو رات آٹھ بجے اسلام آباد پہنچنا تھا۔

تاہم اب زلمے خلیل زاد آج صبح آٹھ بجے پاکستان پہنچیں گے، وزیر خارجہ شاہ محمود قریشی اور تہمینہ جنجوعہ سمیت دیگر حکومتی اہلکاروں سے ملاقات کریں گے۔

سفارتی ذرائع کے مطابق زلمے خلیل زاد باقاعدہ طور پروفود کی سطح پر دفتر خارجہ میں مذاکرات کریں گے، ان کے دورے کا مقصد افغانستان میں فوجی انخلا اور افغان طالبان سے بات چیت پرمشاورت ہے۔

امریکی صدرکےنمائندہ خصوصی زلمےخلیل زاد آج پاکستان پہنچیں گے

امریکی صدر کے نمائندہ خصوصی برائے افغان مفاہمتی عمل زلمے خلیل زاد کا دورہ پاکستان 19 جنوری تک ہوگا۔

خیال رہے کہ دو روز قبل زلمے خلیل زاد نے بیجنگ پہنچنے پر سماجی رابطے کی ویب سائٹ ٹویٹر پراپنے پیغام میں کہا تھا کہ افغان امن عمل میں چین کا کردار اہم ہے، میں یہ جاننے کا منتظر ہوں کہ چین اور امریکا مل کر کس طرح کام کرسکتے ہیں۔

Comments

comments

یہ بھی پڑھیں