site
stats
عالمی خبریں

ایم کیو ایم کے خلاف کارروائی قانون کے مطابق ہونی چاہیئے، امریکا

کراچی : امریکا نے کراچی میں قیام امن کیلئے حکومتی کوششوں کی حمایت کردی، تاہم تمام کارروائیاں قانون کے مطابق ہونا چاہئیں۔

امریکی محکمہ خارجہ ترجمان نے پاکستانی اخبار ڈان کو دیئے گئے بیان میں ایم کیو ایم مخالف حکومتی کارروائیوں کی حمایت کرتے ہوئے کہا کہ قوانین کی خلاف ورزی سے گریز کیا جائے۔

کراچی میں جاری آپریشن سے متعلق سوال پر امریکی محکہ خارجہ کا کہنا تھا کہ ہم کراچی میں حالات اور واقعات کا بارک بینی سے جائزہ لے رہے ہیں اور اس بات سے واقف ہیں کہ سیکیورٹی فورسز ایم کیو ایم کے کارکنوں کو گرفتار کرنے کے ساتھ دفاتر بھی سیل کررہی ہیں۔


 مزید پڑھیں : ایم کیو ایم کے سیکٹر اور یونٹ کے دفاتر مسمار کرنے کا سلسلہ جاری


امریکی انتظامیہ نے میڈیا ہاؤسز پر مشتعل افراد کے حملے پر سخت موقف دیا، ترجمان نے حملہ جمہوریت کو نقصان پہنچانے کے مترادف قراردیا، امریکا نے کارروائیوں کے خلاف ایم کیوایم کے احتجاجی حق کو تسلیم کرتے ہوئے کہا کہ احتجاج پر امن ہونا چاہیے۔

امریکی محکمہ خارجہ ترجمان نے کہا کہ حکومت ہو سیاسی جماعتیں ہوں یا مظاہرین، آزادی اظہار کا حق استعمال کرتے ہوئے قانون کا احترام کرنا سب کی ذمہ داری ہے۔


 مزید پڑھیں:  کراچی: ایم کیو ایم کارکنان کا اے آر وائی نیوز کے دفتر پر حملہ


واضح رہے کہ 22 اگست کو ایم کیو ایم قائد کی پاکستان مخالف تقریر اور میڈیا ہاؤسز پر حملے پر اکسانے کے بعد سے ایم کیو ایم کے دفاتر اور کارکنوں کے خلاف کریک ڈاؤن جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top