The news is by your side.

Advertisement

امریکا میں اسٹاک مارکیٹس کھل گئیں

واشنگٹن: امریکا میں اسٹاک مارکیٹس کے فلورز کھول دیے گئے، اسٹاک مارکیٹس کھلنے کے بعد امریکی حصص بازاروں میں نمایاں تیزی دیکھنے میں آئی۔

امریکی میڈیا کے مطابق امریکا میں اسٹاک مارکیٹس کے فلورز کھول دیے گئے، امریکی اسٹاک مارکیٹ فلورز کرونا وائرس کے باعث بند تھے۔

اسٹاک مارکیٹس کھلنے کے بعد امریکی حصص بازاروں میں نمایاں تیزی دیکھنے میں آئی، امریکی ڈاؤ جونز میں 500 پوائنٹس کا اضافہ ہوا، ڈاؤ جونز انڈیکس میں 25 ہزار پوائنٹس کی سطح بھی بحال ہوتے دیکھی گئی۔

دن کے اختتام پر ڈاؤ جونز انڈیکس 24 ہزار 995 پوائنٹس پر بند ہوا۔ نیسڈیک انڈیکس میں بھی تیزی دیکھی گئی اور دن کے اختتام پر انڈیکس 9 ہزار 340 پوائنٹس پر بند ہوا۔

دوسری جانب ایشیائی اسٹاک مارکیٹس میں ملا جلا رجحان دیکھا گیا۔ جاپانی اسٹاک مارکیٹ میں 118 پوائنٹس کا اضافہ ہوا۔

ہانگ کانگ اسٹاک مارکیٹ میں 130 پوائنٹس کی کمی ہوئی جبکہ کورین اسٹاک مارکیٹ میں معمولی اضافہ دیکھنے میں آیا۔

fb-share-icon0
Tweet 20

Comments

comments

یہ بھی پڑھیں