اسلام آباد : امریکا نے کوئٹہ ایف سی ہیڈکوارٹرز کے قریب دہشت گرد حملے کی شدید مذمت کرتے ہوئے متاثرہ خاندانوں سے دلی تعزیت کا اظہار کیا۔
تفصیلات کے مطابق امریکا نے کوئٹہ کے ایف سی ہیڈکوارٹرز کے قریب ہونے والے گھناؤنے دہشت گرد حملے کی شدید مذمت کی۔
اسلا م آباد میں امریکی سفارتخانے سے جاری بیان میں کہا گیا کہ امریکی ناظم الامور نیٹلی بیکر نے ایف سی ہیڈکوارٹرز کے قریب گھناؤنے دہشت گردحملے کی مذمت کرتے ہوئے کہا دہشت گرد حملے میں کئی قیمتی جانیں ضائع ہوئیں،متعدد افراد زخمی ہوئے۔
نیٹلی بیکر کا کہنا تھا کہ ہم متاثرہ خاندانوں سے دلی تعزیت کا اظہار کرتے ہیں اور زخمیوں کی جلد صحت یابی کے لیے دعاگو ہیں۔
The United States strongly condemns the heinous terrorist attack near Quetta’s FC headquarters that resulted in many tragic deaths and injuries. We extend our deepest condolences to the families of the victims and wish a swift recovery to those injured. The United States stands…
— U.S. Embassy Islamabad (@usembislamabad) September 30, 2025
امریکی ناظم الامورنے کہا امریکہ دہشت گردی کے خلاف جنگ میں پاکستان کے شانہ بشانہ کھڑا ہے تاکہ عوام کو خوف اور تشدد سے محفوظ زندگی میسر آ سکے۔
ان کا مزید کہنا تھا کہ ہم بلوچستان سمیت پورے ملک میں امن و استحکام قائم رکھنے کے لیے پاکستان کی کوششوں کی بھرپور حمایت کرنے کے حوالے سے پرعزم ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں