واشنگٹن: بحیرہ جنوبی چین میں امریکی ایٹمی آبدوز زیر آب حادثے کا شکار ہوگئی، حادثے میں متعدد اہلکار زخمی ہوگئے۔
امریکی میڈیا رپورٹ کے مطابق بحیرہ جنوبی چین میں امریکی ایٹمی آبدوز زیر آب حادثے کا شکار ہوگئی، ترجمان امریکی بحریہ کا کہنا ہے کہ حادثے میں متعدد اہلکار زخمی ہوئے۔
ترجمان کا کہنا ہے کہ آبدوز یو ایس ایس کنیکٹی کٹ کسی نامعلوم چیز سے ٹکرا گئی۔
ترجمان کا مزید کہنا ہے کہ ایٹمی آبدوز محفوظ اور مستحکم حالت میں ہے۔ حادثے کے بارے میں تحقیقات کی جارہی ہیں جبکہ زخمی اہلکاروں کو ہر ممکن سہولیات فراہم کی جارہی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں