The news is by your side.

Advertisement

امریکا کا اسرائیل سے ’آئرن ڈوم‘ دفاعی میزائل سسٹم خریدنے کا اعلان

واشنگٹن : امریکی محکمہ دفاع نے اسرائیل سے آئرن ڈوم نامی دفاعی میزائل سسٹم خریدنے کا اعلان کردیا۔

تفصیلات کے مطابق غاصب صیہونی ریاست اسرائیل کے تیار کردہ دفاعی میزائل سسٹم آئرن ڈوم کو امریکا اپنے فوجی دستوں کو فضائی خطرات سے محفوظ رکھنے کےلیے خریدے گا۔

غیر ملکی خبر رساں ادارے کا کہنا ہے کہ اسرائیل نے مذکورہ میزائل سنہ 2011 میں بنایا تھا جو میزائلوں کو فضا میں ہی تباہ کرنے کی صلاحیت رکھتا ہے اور اسرائیل میں آئرن ڈوم کا اسرائیل میں کامیاب تجربہ بھی کیا جاچکا ہے۔

امریکی محکمہ دفاع کا کہنا ہے کہ امریکی افواج فی الحال اسے محمدود پیمانے پر خریدے گی تاکہ طویل مدت کیلئے اپنی افواج کی دفاعی ضرویات کا اندازہ لگایا جا سکے۔

اسرائیلی وزیر اعظم نیتن یاہو نے امریکا کو دفاعی میزائل سسٹم فروخت کرنے کو ’مملکت کی بڑی کامیابی قرار دیا ہے‘ اسرائیل آہستہ آہستہ عالمی دنیا میں اپنا مقام بنارہا ہے۔

اسرائیلی وزیر اعظم کا کہنا تھا کہ امریکا کے جنگی ساز و سامان کی ڈیل سے امریکا اور اسرائیل کے دفاعی تعلقات مزید بہتر ہوں گے۔

اسرائیلی حکام کا کہنا ہے کہ امریکا نے اپنے فوجیوں کی فوری ضرورت کو مدنظر رکھتے ہوئے ان میزائلوں کو خریدا ہے۔

اسرائیل نے دعویٰ کیا ہے کہ آئرن ڈوم دفاعی میزائل سسٹم اپنے ہدف 90 فیصد تک کامیابی سے نشانہ بناتا ہے اور اسے ایک جگہ سے دوسری جگہ منتقل کرنا بھی آسان ہے۔

دوسری جانب امریکی فوج کے کرنل پیٹرک سائیبر کا کہنا تھا کہ امریکا سرحدوں پر تعینات فوجیوں کے دفاع کے لیے آئرن ڈوم کا استعمال کرے گی تاکہ فوجیوں کو براہ راست اور فضائی خطرات سے تحفظ دیا جاسکے۔

خیال رہے کہ اسرائیل آئرن ڈوم میزائلوں کو غزہ کی پٹی کی سرحد پر نصب کیا ہوا ہے، فلسطینی مسلح تحریکوں کی جانب سے فائر کیے گئے میزائلوں کو رستے میں تباہ کردیا ہے۔

Comments

comments

یہ بھی پڑھیں