The news is by your side.

Advertisement

امریکا کا پاک بھارت کرتارپور راہداری منصوبے کا خیرمقدم

واشنگٹن: امریکا نے کرتارپور راہداری منصوبے پر پاکستان اور بھارت کے درمیان ہونے والے مذاکرات میں مثبت پیش رفت کا خیرمقدم کیا ہے۔

تفصیلات کے مطابق ترجمان امریکی محکمہ خارجہ مورگن آرٹیگس نے پریس بریفنگ کے دوران پاک بھارت کرتارپور راہداری منصوبے کا خیرمقدم کرتے ہوئے کہا ہے کہ یہ منصوبہ یقیناً ایک اچھی خبر ہے۔

ترجمان امریکی محکمہ خارجہ نے کہا کہ امریکا ایسے تمام اقدامات کی حمایت اور حوصلہ افزائی کرتا ہے جو پاکستان اور بھارت کے عوام کو ایک دوسرے کے قریب لائے۔

مورگن آرٹیگس کا کہنا تھا کہ آئندہ ہفتے وزیراعظم عمران خان وائٹ ہاؤس میں امریکی صدر ٹرمپ سے ملاقات کریں گے، اس دوران افغان خاتون صحافی نے پاکستان مخالف سوال کی کوشش کی، مطلب کا جواب نہ ملنے پر خاتون صحافی کانفرنس ہال سے باہر چلی گئی۔

مزید پڑھیں: وائٹ ہاؤس نے وزیراعظم عمران خان کے دورہ امریکا کی تصدیق کردی

واضح رہے کہ چند روز قبل ترجمان وائٹ ہاؤس کی جانب سے جاری بیان میں کہا گیا تھا کہ امریکی صدر ڈونلڈ ٹرمپ وزیراعظم عمران خان کا 22 جولائی کو وائٹ ہاؤس آمد پر خیرمقدم کریں گے۔

اعلامیہ میں کہا گیا تھا کہ وزیراعظم عمران خان کے دورے میں پاک امریکا تعاون کی مزید مضبوطی پر توجہ مرکوز ہوگی، پاک امریکا تعاون کا مقصد خطے میں امن و استحکام اور معاشی خوشحالی لانا ہے۔

وائٹ ہاؤس کے ترجمان کا کہنا تھا کہ صدر ٹرمپ اور عمران خان کے درمیان انسداد دہشت گردی، دفاع، توانائی اور تجارت سے متعلق امور پر بات چیت ہوگی۔

Comments

comments

یہ بھی پڑھیں