The news is by your side.

Advertisement

امریکا کا ترکی کو ایف35 طیارے فروخت نہ کرنے کا اعلان

واشنگٹن: روسی میزائل کی خریداری کے ردعمل میں امریکا نے ترکی کو ایف35سٹیلتھ طیارے فروخت نہ کرنے کا اعلان کیا ہے۔

تفصیلات کے مطابق امریکا کی جانب سے یہ فیصلہ ترکی کے روس سے ایس400میزائل ڈیفنس سسٹم خریدنے پر کیا گیا، جبکہ حکام سخت ردعمل کا بھی اظہار کرچکے ہیں۔

غیر ملکی خبر رساں ادارے کے مطابق وائٹ ہاؤس کا کہنا ہے کہ روس کے ساتھ ڈیل کے بعد ترکی کو سٹیلتھ طیارے دینا ممکن نہیں ہے۔

امریکی حکام نے تشویش کا اظہار کرتے ہوئے کہا ہے کہ روسی میزائلوں سے ترکی میں موجود نیٹو طیاروں کو نشانہ بنائے جانے کا خطرہ ہے، انقرہ نے غلط، قابل مذمت اور مایوس کن فیصلہ کیا ہے۔

ادھر روسی دفاعی میزائل نظام ایس 400 کے آلات کی ترسیل جاری ہے، گذشتہ روز بھی دو پروازیں میزائل کے آلات لے کر ترکی کے ہوائی اڈے پہنچی تھیں۔

غیر ملکی میڈیا کا کہنا ہے کہ دفاعی نظام کی مکمل طور پر ترسیل میں وقت لگ سکتا ہے، میزائل نظام سے متعلق سامان لانے والی پروازوں کی تعداد چھ ہو گئی ہے، ایس فور ہنڈرڈ میزائل کے آلات کی فراہمی جمعہ بارہ جولائی سے شروع ہوئی تھی۔

واضح رہے کہ امریکی صدر ٹرمپ نے خبردار کیا تھا کہ اگر ترکی نے روسی ساختہ ایس-400 میزائل سسٹم کی خریداری کے سمجھوتے پر عملدرآمد جاری رکھا تو انقرہ پر پابندیاں عائد کردی جائیں گی۔

امریکی دباؤ مسترد، روس نے ایس-400 میزائل سسٹم کی پہلی کھیپ ترکی کے حوالے کردی

یاد رہے کہ امریکا اس ڈیل کے حوالے سے کئی بار اپنی مخالفت کا اظہار کرچکا ہے، امریکا نے اس سمجھوتے سے دستبردار ہونے کے لیے ترکی کو 31 جولائی تک کی مہلت دی تھی۔

Comments

comments

یہ بھی پڑھیں