امریکا میں بیٹی نے ماں کی لاش کو تقریباً دو سال تک فریزر میں چھپائے رکھا اور پھر راز کھلنے پر گرفتار کر لی گئی۔
غیر ملکی میڈیا کے مطابق ایوا برچر والدہ رجینا مائیکلسکی کی لاش فریزر میں چھپانے کے جرم میں جیل میں ہیں جنہیں آج شکاگو کی عدالت میں جج کے سامنے پیش کیا گیا۔
ایوا برچر کے وکیل نے ان کی رہائی کے لیے عدالت میں کم بانڈ کی درخواست دائر کی جسے جج نے فوراً مسترد کر دیا۔
متعلقہ: خطرناک سیریل کلر شوہر کی کہانی سامنے آگئی
پولیس نے عدالت کو بتایا کہ 96 سالہ رجینا مائیکلسکی کی لاش رواں ہفتے ان کے گیراج میں موجود فریزر سے ملی، تفتیش میں معلوم ہوا کہ ان کی موت دو سال قبل مارچ میں 2021 ہوئی۔
تفتیش کاروں کا ماننا ہے کہ ایوا برچر والدہ کی لاش کو چھپا کر ان کے سماجی تحفظ کے فوائد حاصل کرنا چاہتی تھی۔
عدالت نے ایوا برچر پر 20 ہزار ڈالرز کے بانڈ مقرر کر دیے۔
