The news is by your side.

Advertisement

یوکرین پر روس کے حملے سے متعلق امریکا کے پاس کیا خفیہ معلومات ہیں؟

واشنگٹن: کیا امریکا کے پاس واقعی ایسی خفیہ معلومات موجود ہیں، جن سے یہ ظاہر ہوتا ہو کہ روس جلد ہی یوکرین پر حملہ کرنے والا ہے، امریکا اس بارے کئی بار دعویٰ کر چکا ہے۔

امریکی میڈیا کے مطابق امریکا نے ایک بار پھر دعویٰ کیا ہے کہ روس یوکرین پر آئندہ چند ہفتوں میں حملہ کر سکتا ہے، جس کے لیے اس نے 70 فی صد تیاری بھی مکمل کر لی ہے۔

امریکی حکام نے اپنے الزامات کے حوالے سے کوئی شواہد پیش نہیں کیے، تاہم ان کا اصرار ہے کہ یہ معلومات خفیہ اطلاعات کے سبب حاصل ہوئی ہیں، معاملہ حساس ہونے کے سبب وہ میڈیا کو اس ضمن میں مزید تفصیلات فراہم نہیں کر سکتے۔

امریکی حکام کے مطابق یوکرین پر روس حملہ کرنے کے لیے تیار ہے اور وہ جنگی تیاریوں کے لیے فروری کے وسط تک مزید بھاری ہتھیار اور سامان یوکرین کی سرحد تک منتقل کر سکتا ہے۔

امریکی حکام نے دعویٰ کیا کہ 15 فروری سے مارچ کے اختتام تک کا موسم روس کو بھاری جنگی سازو سامان سرحدوں تک منتقلی کے لیے پیک ٹائم ہو گا۔

واضح رہے کہ روس نے یوکرین کی سرحد کے نزدیک ایک لاکھ فوجی اہل کار تعینات کر رکھے ہیں تاہم روس نے یوکرین پر حملے کے خدشے کو مسترد کر دیا ہے۔

Comments

یہ بھی پڑھیں