کابل : امریکی ڈرون حملے اور فورسز کی بمباری،پیتیس شدت پسند ہلاک

کابل : افغانستان میں بمباری،امریکی ڈرون حملے میں 12 طالبان اور داعش کے23 شدت پسند ہلاک ہوگئے.

تفصیلات کے مطابق افغانستان کے صوبے ہلمند کے ضلع مرجامیں ایک فضائی کارروائی کے دوران طالبان کے ایک سینئر کمانڈر سمیت بارہ ارکان ہلاک ہوگئے، جبکہ صوبہ ننگرہار میں امریکی ڈرون حملے میں داعش کے 23 جنگجو مارے گئے.

دوسری جانب صوبہ لوگر میں دھماکا خیز مواد نصب کرتے ہوئے دھماکا ہوجانے سے طالبان کمانڈر سمیت سات جنگجو مارے گئے.

یاد رہے افغان سیکیورٹی اداروں نے مغربی ہرات میں گزشتہ تین ماہ کے دوران مختلف کارروائیوں میں 234 طالبان کو ہلا ک کرنےکا دعویٰ کیا ہے،جبکہ صوبہ فاریاب میں115عسکریت پسندوں نے ہتھیار ڈال دیے ہیں.

واضح رہے کہ تین روز قبل افغانستان میں طالبان نے صوبہ ہرات اور قندھار کے درمیان چلنے والی تین بسوں کو روک کر کم ازکم 25 مسافروں کو اغوا کر لیا تھا

Comments