The news is by your side.

Advertisement

امریکہ کاغیرت کےنام پرقتل کےخلاف قانون سازی کا خیرمقدم

واشنگٹن : امریکہ کا کہنا ہے کہ غیرت کے نام پر قتل کے خلاف قانون سازی خوش آئند ہے یہ پاکستان میں خواتین کےتحفظ کی جانب اہم قدم ہے۔

تفصیلات کےمطابق واشنگٹن میں پریس بریفنگ کے دوران امریکی محکمہ خارجہ کے نائب ترجمان جان کربی نے کہا ہے کہ امریکہ پاکستان میں غیرت کے نام پر قتل کے خلاف بل کی منظوری کا خیر مقدم کرتا ہےاور یہ قانون خواتین کے تحفظ کی جانب اہم قدم ہے۔

جان کربی کا کہناتھا کہ اس سے معاشرے میں خواتین کی بھرپور شرکت کو فروغ ملے گا۔سماجی آگاہی پھیلانا اور مجرموں کو انصاف کے کٹہرے میں لانا ضروری ہے۔ان اقدامات پر پاکستان کی بھرپور حمایت جاری رکھیں گے۔

مزید پڑھیں: پارلیمنٹ سے غیرت کے نام پر قتل،انسداد عصمت دری بل منظور

امریکی محکمہ خارجہ کے ترجمان نے میڈیا بریفنگ کے دوران مزید کہا کہ کشمیر کے معاملے پر پاکستان اور بھارت بات چیت کریں۔

پریس برینفنگ کےدوران ایک سوال پر کہ سرجیکل اسٹرائیک ہوئی ہے یا نہیں اس بارے میں جان کربی کا کہناتھا کہ بھارتی حکام ہی بتا سکتے ہیں۔ہم دونوں ممالک کے درمیان کشیدگی کا خاتمہ چاہتے ہیں۔

مزید پڑھیں: پاکستان کے جوہری اثاثے محفوظ ہاتھوں میں ہیں،جان کربی

یاد رہے کہ گزشتہ روز جان کربی کا کہنا تھا کہ پاکستان کے جوہری اثاثے محفوظ ہاتھوں میں ہیں جس کی حفاظت کےلیے پاکستان نے موثرانتظام کررکھا ہے۔

Comments

comments

یہ بھی پڑھیں