The news is by your side.

Advertisement

امریکی اداکار کی جیل میں پراسرار موت

لاس اینجلس: امریکی ڈرامے کے مشہور اداکار ڈینیئل ڈومیل کی جیل میں مشتبہ طور پر نیند کی زیادہ ادویات استعمال کرنے کے باعث موت واقع ہوگئی۔

امریکی میڈیا کے مطابق مشہور ٹی وی کرائم ڈرامے کے اداکار ماؤنٹ جوائے جیل میں منشیات فروشی کا الزام ثابت ہونے پر جیل کاٹ رہے تھے کہ دس روز کی قبل اُن کی حالت اچانک تشویشناک ہوئی جس کے بعد انہیں اسپتال منتقل کیا گیا۔

جیل انتظامیہ کے مطابق 12 روز قبل امریکی اداکار بیرک میں بغیر کسی حرکت کی حالت میں پائے گئے جس کے بعد انہیں طبی امداد دینے کے لیے ڈاکٹرز کی مدد طلب کی گئی۔

ابتدائی طبی امداد کے بعد ڈینیئل کی حالت بہتر ہوئی مگر پھر ایک روز بعد اُن کی طبیعت بہت زیادہ بگڑ گئی اور پھر انہیں ہوش نہیں آیا، اسپتال منتقل کرنے کے بعد ڈاکٹرز نے انہیں وینٹی لیٹر پر منتقل کیا۔

مزید پڑھیں: امریکا میں زیر تعلیم 2 سعودی شہریوں کی پراسرار موت

اسپتال میں 17 جون سے زیر علاج اداکار 27 جون کی صبح امریکی وقت کے مطابق 4 بجے زندگی کی بازی ہار گئے، ڈاکٹرز کے مطابق اُن کی موت زیادہ مقدار میں ادویات استعمال کرنے کی وجہ سے ہوئی۔

اہل خانہ نے جب ڈینیئل کی موت کی تصدیق کی تو شوبز شخصیات اور مداح غمزدہ ہوگئے، اداکار کی دوست اسٹیفن نے اچانک موت پر جذباتی پیغام بھی شیئر کیا۔

اُن کا کہنا تھا کہ ’منشیات نے ایک اور قیمتی نوجوان کی زندگی لے لی، میں جانتی ہوں کہ تمھیں (ڈینیئل) کو ایک موقع چاہیے تھا تاکہ اپنے آپ میں تبدیلی لاسکے مگر تم جانتے تھے کہ تم نے غلطی کی‘ْ


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں