The news is by your side.

Advertisement

‘یہ قیمتی آغاز ہے’، سابق ٹینس اسٹار نے مداحوں کو خوشخبری سنادی

سابق روسی ٹینس اسٹار ماریہ شراپووا نے اپنی 35ویں سالگرہ کے موقع پر یہ مداحوں کو خوشخبری سنائی ہے کہ ان کے ہاں جلد پہلے بچے کی پیدائش متوقع ہے۔

ماریہ شراپووا نےفوٹو اینڈ ویڈیو شیئرنگ ایپ انسٹاگرام پر اپنی ایک تصویر شیئر کی ہے،اُنہوں نے اپنی تصویر شیئر کرتے ہوئے لکھا کہ’یہ آغاز بہت قیمتی ہے‘۔

انسٹا گرام پر شیئر کی جانے والی تصویر میں دیکھا جاسکتا ہے کہ شراپواجو امریکا کے ساحل سمندر پر پیٹ پر ہاتھ رکھ کر فوٹو گرافی کے لیے پوز دے رہی ہیں۔

شرا پووا نے بچے کی متوقع ولادت کی خبر اپنے 42 لاکھ انسٹاگرام فالوورز کے ساتھ شیئر کی تو ان کے چاہنے والوں کی جانب سے مبارک باد کے پیغامات کے ڈھیر لگ گئے۔

یاد رہے کہ پانچ مرتبہ گرینڈ سلیم ٹورنامنٹ جیتنے والی روسی کھلاڑی کی برطانوی بزنس مین الیگزینڈر گلکس کے ساتھ دسمبر 2020 میں منگنی ہوئی تھی۔

ماریا شراپووا کو اکیسویں صدی کے معروف اور امیر ترین کھلاڑیوں میں شمار کیا جاتا ہے، انہوں نے دو ہزار چار میں صرف سترہ سال کی عمر میں ٹینس کی لیجنڈ کھلاڑی سرینا ولیمز کو ومبلڈن میں شکست دی جس کے بعد وہ اس کھیل کے شائقین کے ساتھ ساتھ دنیا کی نگاہوں کا مرکز بن گئیں تھیں۔

Comments

یہ بھی پڑھیں