The news is by your side.

Advertisement

امریکہ کا حزب اللہ کے2 رہنماؤں کی گرفتاری پر12ملین ڈالرزانعام کا اعلان

واشنگٹن : امریکی محکمہ انصاف نے حزب اللہ کے 2 رہنماؤں کی گرفتاری میں مدد فراہم کرنے پر 12 ملین ڈالرز کا انعام دینے کا اعلان کیا ہے۔

تفصیلات کے مطابق امریکی محکمہ انصاف نے حزب اللہ کے رہنما طلال ہمایا کی گرفتاری میں مدد دینے پر7ملین ڈالرزجبکہ فواد شکر کی اطلاع دینے والےکے لیے 5 ملین ڈالرزانعام کا اعلان کیا ہے۔

امریکی محکمہ انصاف کی جانب سے جاری اعلامیے میں کہا گیا ہےکے حزب اللہ کے دونوں رہنماؤں کے بارے میں اطلاع دینے والے کا نام صیغہ رازمیں رکھاجائےگا،ان سے متعلق قریبی امریکی سفارت خانے کو اطلاع دیں۔

امریکہ محکمہ انصاف کے مطابق حزب اللہ کو اپریل 1983 میں بیروت میں امریکی سفارت خانے پر خودکش دھماکوں سمیت امریکیوں کے خلاف متعدد دہشت گردی کے حملوں میں ملوث پایا گیا ہے۔

یاد رہے کہ رواں سال 26 کو اقوام متحدہ میں امریکی سفیر نکی ہیلی نے لبنان اقوام متحدہ کے فورسز کمانڈر میجرجنرل مائیکل بیری کوشدید تنقید کا نشانہ بناتے ہوئے الزام عائد کیا تھا کہ انہوں نے ایران کے خفیہ طور پر لبانی ملیشیا حزب اللہ کو مسلح کرنے کے عمل سے چشم پوشی کی۔


شام میں‌ حملہ حزب اللہ کا اہم کمانڈر ہلاک


واضح رہے کہ گزشتہ سال 14 مئی کو دمشق ائیرپورٹ کے قریب حزب اللہ کے مرکز پر اسرائیل کی جانب سے فضائی حملہ کیا گیا تھا، جس میں حزب اللہ کا اہم کمانڈر مصطفیٰ بدرالدین ہلاک ہوگیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں