امریکا میں‌ طیارہ ہائی جیک کرلیا گیا، سپر مارکیٹ پر گرانے کی دھمکی

امریکا کی ریاست مسیسیپی میں پائلٹ نے طیارہ ہائی جیک کرکے اسے سپر مارکیٹ پر گرانے کی دھمکی دے دی۔

غیرملکی خبررساں ادارے کی رپورٹ کے مطابق پولیس حکام کا بتانا ہے کہ علی الصبح پائلٹ نے نائن ون ون پر کال کرکے طیارہ ہائی جیک کرنے کی دھمکی دی۔

سوشل میڈیا پر پوسٹ کی گئی فوٹیج میں طیارے کو علاقے کے اوپر نچلی پرواز کرتے ہوئے دیکھا جاسکتا ہے۔

پولیس حکام کی جانب سے مسیسیپی کے شہریوں خبردار رہنے کی ہدایت کی گئی ہے۔

NOW – Pilot threatens to crash a hijacked aircraft into a Walmart in Tupelo, Mississippi.pic.twitter.com/ITcj757113

— Disclose.tv (@disclosetv) September 3, 2022

رپورٹ کے مطابق ٹوپیلو شہر کی ایک بڑی سپر مارکیٹ ویسٹ مین پر واقع وال مارٹ کو پائلٹ نے  اڑانے کی دھمکی دی ہے جبکہ افسران پائلٹ کے ساتھ رابطے میں ہیں اور ان سے بات کرنے کی کوشش کر رہے ہیں۔

 پولیس حکام نے سپر مارکیٹ کے تمام اسٹور اور پیٹرول پمپ بند کرادیے جبکہ ہنگامی حالت کے پیش نظر لوگوں کو علاقے سے دور رہنے کی ہدایت کی گئی ہے۔

میڈیا رپورٹس کے مطابق یہ واضح نہیں ہوسکا کہ پائلٹ کا مقصد کیا ہے اور وہ کیوں والمارٹ کو نشانہ بنانا چاہتا ہے۔

 طیارہ سفید بیچ کرافٹ کنگ ایئر ٹوئن انجن والا طیارہ ہے اور یہ سات افراد کو لے جانے کی صلاحیت رکھتا ہے جبکہ اس کا وزن تین ٹن سے زیادہ ہے۔

مسیسیپی کے گورنر ٹیٹ ریوز نے ٹویٹر پر لکھا: ‘ قانون نافذ کرنے والے ادارے اور ایمرجنسی منیجرز اس خطرناک صورتحال پر گہری نظر رکھے ہوئے ہیں۔

‘انہوں نے لکھا کہ ٹوپیلو پولیس ڈیپارٹمنٹ کی اپ ڈیٹس سے شہریوں کو باخبر رہنا چاہیے۔’

سی این این کے مطابق بعدازاں دھمکی دینے والے پائلٹ کو حراست میں لے لیا گیا ہے۔

A stolen plane that was circling over Mississippi for hours after threatening to crash is "down" and the pilot is in custody, sources tell CNN. https://t.co/Ip6FRYi4O3

— CNN Breaking News (@cnnbrk) September 3, 2022

Comments