واشنگٹن / استنبول: امریکا نے ترکی میں قائم سفارت خانوں سے ویزوں کے اجرا کا عمل فوری طور پر روک دیا ہے۔
فرانسیسی خبررساں اداے کی رپورٹ کے مطابق امریکا نے ترکی میں ممکنہ دہشت گردحملوں کی رپورٹس کے پیش نظر ویزہ سروس کو عارضی طور پر معطل کردیا۔
رپورٹ کے مطابق ترکی کے شہر انقرہ میں قائم امریکی سفارت خانے نے ویزہ اجرا کو فوری طور پر روک دیا۔ علاوہ ازیں استنبول، ادانہ اور زمیر میں قائم امریکی سفارت خانوں نے بھی ویزوں کے اجرا کا عمل روک دیا ہے۔
#BREAKING US suspends visa services in Turkey over ‘credible reports of potential terrorist attacks’ : embassy pic.twitter.com/cij7aFHu4i
— AFP news agency (@AFP) October 23, 2020
امریکی حکام نے ویزہ سروس معطل کرنے کی وجہ دہشت گردی کے ممکنہ حملوں کو قرار دیا۔ وائٹ ہاؤس سے جاری ہونے والے اعلامیے میں کہا گیا ہے کہ ’ہمارے پاس دہشت گردوں کے حملوں کی مصدقہ اطلاعات ہیں، جس کے پیش نظر ویزے جاری کرنے کا سلسلہ روکا گیا‘۔