تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

قطری باشندوں نے امریکہ کو ناپسندیدہ ملک قرار دے دیا، سروے رپورٹ

دوحہ : قطر میں ہونے والے حالیہ عوامی سروے میں مملکت کے شہریوں نے امریکی اقدامات کے پیش نظر اسے ناپسندیدہ ملک قرار دیا ہے۔

عرب نیوز اور یو گوو کے تحت کیے گئے سروے میں 18 عرب ممالک سے تعلق رکھنے والے ایک ہزار 960 افراد کے سامنے مختلف سوالات رکھے گئے جن میں قطر کے شہری بھی شامل تھے۔

مجموعی طور پر 56 فیصد جواب دہندگان کے خیال میں امریکی صدر ڈونلڈ ٹرمپ شدت پسندی کے خلاف جنگ میں رکاوٹ بنے ہیں، جبکہ قطر سے 79 فیصد جواب دہندگان نے صدر ٹرمپ کو رکاوٹ قرار دیا۔

قطر کا شمار امریکہ کے اتحادی ممالک میں ہوتا ہے جہاں مشرق وسطیٰ کا سب سے بڑا امریکی فوجی اڈہ قائم ہے اور امریکی فوجی ساز و سامان پر قطر عربوں ڈالر سالانہ خرچ کرتا ہے۔ تاہم عرب نیوز کے سروے سے ظاہر ہوتا ہے کہ قطر کے عوام کی سوچ اس کی حکومت کی امریکہ نواز پالیسیوں کے برعکس ہے۔

سروے رپورٹ کے مطابق قطر کے زیادہ تر شہری حالیہ امریکی اقدامات کے سخت خلاف ہیں، قطر کے عوام امریکہ کے ایرانی جنرل قاسم سلیمانی کی ہلاکت اور مشرق وسطیٰ میں شدت پسندی کے خلاف جنگ میں کردار کی حمایت نہیں کرتے۔

سروے میں حصہ لینے والے قطری شہریوں نے صدر ٹرمپ کے ایران کے ساتھ جوہری معاہدے سے دستبرداری کی بھی مخالفت کی ہے۔

سال2017میں عرب ممالک کے قطر کے ساتھ بائیکاٹ کے بعد سے قطر نے امریکہ کے ساتھ تعلقات مضبوط کرنے کی غرض سے بیشتر اقدامات اٹھائے ہیں، ان اقدامات کا مقصد سفارتی سطح پر تنہا ہونے سے بچنا ہے۔

عرب نیوز کے مطابق بائیکاٹ کے بعد سے قطر نے ایران کے ساتھ رابطے مختلف شعبوں میں بڑھا دیے ہیں جبکہ عرب ممالک کے مقابلے میں قطر کے شہری ایران سے متعلق قدرے نرم رائے رکھتے ہیں۔62 فیصد قطری جواب دہندگان کے خیال میں ایرانی جنرل قاسم سلیمانی کی امریکی ڈرون حملے میں ہلاکت سے خطے پر منفی اثرات مرتب ہوئے ہیں۔

اس کے علاوہ سعودی عرب، یمن اور عراق سے سروے میں اپنی رائے دینے والے شہریوں کے خیال میں قاسم سلیمانی کی ہلاکت سے خطے پر مثبت اثرات مرتب ہوئے ہیں۔ سعودی عرب سے 68 فیصد، یمن سے 71 فیصد، جبکہ عراق سے57 فیصد جواب دہندگان کے خیال میں امریکہ حملہ مثبت ثابت ہوا ہے۔

عوامی سروے میں شامل ہونے والے قطری شہریوں میں سے 55 فیصد کے خیال میں امریکہ کو ایران کا جوہری معاہدہ بحال کرنا چاہیے جبکہ 16 فیصد نے ایران پر امریکی معاشی پابندیوں کی حمایت کی ہے۔

Comments

- Advertisement -