واشنگٹن: امریکا میں کئی دہائیوں کی سب سے زیادہ ریکارڈ سردی نے لوگوں کو گھروں تک رہنے پر مجبور کردیا، نیو ہمپشائر میں درجہ حرارت منفی 103 ڈگری فارن ہائٹ تک پہنچ گیا۔
بین الاقوامی میڈیا کے مطابق امریکا سمیت دنیا کے کئی ممالک میں اس وقت شدید ٹھنڈ پڑ رہی ہے۔ روس، کینیڈا اور برطانیہ میں بھی زبردست برف باری ہو رہی ہے۔
امریکا میں تیز رفتار ہواؤں نے سردی میں مزید اضافہ کر دیا ہے، نیو ہیمپشائر میں درجہ حرارت صفر سے بہت نیچے چلا گیا ہے۔ جمعہ کے روز یہاں درجہ حرارت مائنس 103 ڈگری فارن ہائٹ تک پہنچ گیا۔
Weather Observer Nicole Tallman heading outside to take a weather observation during today’s high wind event! In this video conditions were -11 degrees with winds sustained at 115 gusting to 132!
So far (as of 7AM EST) our peak gust is 157 mph!
https://t.co/19MbrZ7kZm pic.twitter.com/WCTBy3mdZl— Mount Washington Observatory (MWO) (@MWObs) January 24, 2021
نیشنل ویدر سروس کے اندازوں کے مطابق جمعہ کی شام تک ماؤنٹ واشنگٹن میں درجہ حرارت مائنس 103 ڈگری فارن ہائٹ تک گر گیا۔
رپورٹ کے مطابق جمعہ سے پہلے امریکا میں صرف تین بار ہوا کا درجہ حرارت مائنس 100 ڈگری فارن ہائٹ درج کیا گیا، جس کا مطلب ہے کہ ماؤنٹ واشنگٹن پر موسم پہلے ہی اس ریکارڈ کو پار کر چکا تھا۔
سنہ 1934 میں اس اسٹیشن پر اب تک کا سب سے کم درجہ حرارت مائنس 47 ڈگری فارن ہائٹ ریکارڈ کیا گیا تھا۔
