The news is by your side.

Advertisement

ورلڈ ایتھلیٹس: یوسین بولٹ کل 200 میٹر کی دوڑ میں دوڑیں گے

دنیا کے تیز ترین انسان جمیکا کے یوسین بولٹ کل بیجنگ کے برڈز نیسٹ اسٹیڈیم میں دو سو میٹر کی دوڑ میں ایکشن میں دکھائی دیں گے۔

ورلڈ ایتھلیٹکس چیمپئن شپ میں سو میٹر کی ریس جیتنے کے بعد یوسین بولٹ دو سو میٹر کی دوڑ میں قسمت آزمائیں گے، دو سو میٹر کی تیسری ہیٹ میں جمیکن ایتھلیٹ کامیاب رہے۔ چوتھی ہیٹ میں امریکہ کے جسٹن گیٹلن نے تیزی دکھائی اور فنشنگ لائن سب سے پہلے عبور کی۔

مردوں کی آٹھ سو میٹر کی دوڑ میں کینیا کے ڈیوڈ رودیشا نے میدان مارلیا۔ کینین ایتھلیٹ نے مقررہ فاصلہ ایک منٹ پینتالیس اعشاریہ آٹھ چار سیکنڈز میں طے کیا۔

خواتین کی پندرہ سو میٹر کی ریس ایتھوپیا کی دیبابا کے نام رہی، یہ ملک سے باہر ایتھوپین ایتھلیٹ کا پہلا ورلڈ ٹائٹل ہے، مینز لانگ جمپ میں برطانیہ کے گریگ رودرفورڈ کامیاب رہے۔

مردوں کی چار سو میٹر ہرڈلز میں کینیا کے نکولس بیٹ نے پھرتی دکھائی جبکہ ویمنز ڈسکس تھرو میں کیوبا کی کیبالیرو نے گولڈ میڈل جیتا۔

Comments

comments

یہ بھی پڑھیں