The news is by your side.

Advertisement

ہاکس بے پر ڈوبنے والے دونوں نوجوانوں کی لاشیں نکال لی گئیں

کراچی: ہاکس بے پر گزشتہ روز ڈوبنے والے دونوں نوجوانوں کی لاشیں نکال لی گئی ہیں۔

تفصیلات کے مطابق عید کے دوسرے روز ہاکس بے پر ڈوبنے والے دونوں نوجوانوں کی لاشیں نکال لی گئی ہیں۔

ریسکیو ذرائع کے مطابق ایک نوجوان کی شناخت 19 سالہ فراز کے نام سے ہوئی ہے، فراز ایف بی ایریا کا رہائشی ہے جبکہ دوسرے نوجوان کی شناخت اسامہ کے نام سے کی گئی ہے۔

دونوں نوجوانوں کی لاشوں کو ایدھی سرد خانے منتقل کردیا گیا ہے، مرنے والوں میں‌ ایک کا تعلق کراچی اور دوسرے کا چترال سے ہے.

مزید پڑھیں: کراچی کے ساحل ہاکس بے پر نہاتے ہوئے 2 نوجوان ڈوب گئے

یاد رہے کہ اگست 2014 میں عید کے دوسرے روز کراچی کے ساحلی علاقے سی ویو پر سمندر میں نہاتے ہوئے 41 افراد گہرے سمندر میں ڈوب کر جاں بحق ہوگئے تھے۔

اس کے علاوہ کراچی کی انتظامیہ وقتاََ فوقتاََ سمندر میں ممکنہ خطرے کے پیش نظر ساحل پر دفعہ 144 نافذ کرتی رہتی ہے۔

واضح رہے کہ عید کےدوران ساحل پر عوام کی بڑی تعداد پکنک منانے آتی ہے اوراس دوران بعض منچلے سمندر میں نہاتے وقت احتیاطی تدابیر کا لحاظ نہیں رکھتے جس کے باعث اس طرح کے واقعات پیش آتے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں