The news is by your side.

بیلٹ کے مقابلے میں بلٹ کا استعمال ملک میں سیاسی آگ لگا دے گا، شیخ رشید نے حکومت کو خبردار کردیا

راولپنڈی : سابق وزیر داخلہ شیخ رشید نے حکومت کو خبر دار کیا ہے کہ بیلٹ کے مقابلے میں بلٹ کا استعمال ملک میں سیاسی آگ لگا دے گا۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا ہے کہ آرمی چیف کے بیان کے بعد افواہیں ختم اور فوری الیکشن ہونے چاہئیں۔

لانھگ مارچ کے حوالے سے شیخ رشید کا کہنا تھا کہ حکومت 25لاکھ لوگوں کو بند کریگی تولوگ اسلام آباد اورمارگلہ کی پہاڑیوں سے نکلیں گے، بیلٹ کےمقابلے میں بلٹ کا استعمال ملک میں سیاسی آگ لگا دےگا، تباہ حال معیشت خطرناک بحران میں داخل ہوجائے گی۔

عوامی مسلم لیگ کے سربراہ نے ایک اور ٹوئٹ میں لکھا اسلام آباد کے لوگوں نےمحصور ہونے کے خوف سے گھروں میں راشن ڈالنا شروع کردیا۔

ان کا کہنا تھا کہ کابینہ ارکان کی تعداد 75 اور 22 بےمحکمہ ہیں، کنٹینر راستے نہیں روک سکتے،فوج بلانے اور آرٹیکل245 لگانے کا خواب دیکھنا چھوڑ دیں ، مذاکرات کی میزپرآئیں اورصاف شفاف الیکشن کرائیں۔

Comments

یہ بھی پڑھیں