site
stats
صحت

اسمارٹ فونز جلد کے کینسر کا باعث بن سکتے ہیں

میکسیکو: اسمارٹ فونز، لیپ ٹاپس اور ٹیبلٹس جلد کے کینسر کا باعث بن سکتے ہیں۔

نیو میکسیکو یونیورسٹی کی تحقیق کے مطابق اسمارٹ فونز اور لیپ ٹاپس کا کھلے آسمان تلے استعمال کرنے سے ان کی اسکرینوں سے منعکس ہوکر آنے والی سورج کی الٹرا وائلٹ شعاعیں جلد کے کینسر کا باعث بن سکتی ہیں۔

یونیورسٹی کی جانب سے کی گئی تحقیق کے نتائج سے پتا چلا کہ دھوپ میں موبائل فون سے منعکس ہوکر آنے والی سورج کی شعاعوں نے پتلے کے چہرے کو خاصا نقصان پہنچایا۔

ماہرین کا کہنا تھا کہ آج کے دور میں موبائل فون اور لیپ ٹاپ کے بغیر لوگوں کا رہنا مشکل ہے، اس لیے ماہرین نے کہا کہ اس سے بچاؤ کے لیے لوگوں کو کوشش کرنی چاہیئے کہ موبائل فون کا استعمال دھوپ میں کم سے کم کیا جائے۔

ماہرین کا کہنا ہے کہ استعمال کرتے وقت چہرے سے موبائل کو دور رکھا جائے، اس کے ساتھ آنکھوں پر کالے چشمے بھی نقصان دہ شعاعوں سے بچاؤ میں کارگر ثابت ہوسکتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top