The news is by your side.

Advertisement

کرونا سے بچنے کے لیے ’وٹامن سی‘ کا استعمال کریں، طبی ماہرین

کراچی: کرونا وائرس سے بچاؤ کے لیے طبی ماہرین نے وٹامن سی استعمال کرنے کا مشورہ دے دیا۔

اے آر وائی نیوز کی رپورٹ کے مطابق طبی ماہرین نے مشورہ دیا ہے کہ کرونا سے بچنا چاہتے ہیں تو وٹامن سی کا استعمال کریں، وٹامن سی سپلیمنٹس سے حاصل کرنے کے بجائے غذا کے طور پر حاصل کرنا زیادہ بہتر ہے۔

طبی ماہرین کے مطابق یعنی وٹامن سی کو سبزیوں اور پھلوں کے ذریعے جسم میں پہنچانا بہت فائدہ مند ہے۔

ماہرین صحت کہتے ہیں کہ وٹامن سی اہم غذائئی جز ہے جو مدافعی نظام کو درست طریقے سے کام کرنے میں مدد دیتا ہے، وٹامن سی ایک طاقت اور اینٹی آکسیڈنٹ ہے جو آپ کے جسم کے قدرتی دفاعی نظام کو مضوط بنا سکتا ہے۔

تحقیق میں یہ بات سامنے آئی ہے کہ وٹامن سی سوائن فلو سمیت نظام تنفس کی دیگر بیماریوں میں پھیپھڑوں پر ہونے والے ورم میں کمی لانے میں مددگار ہوتا ہے۔

کیا آپ جانتے ہیں جسم میں وٹامن سی کی کمی کے نقصانات کیا ہیں؟

مسوڑوں کا سوجنا اور خون بہنا

اگر جسم میں وٹامن سی کی کمی ہو تو مسوڑے سب سے زیادہ متاثر ہوتے ہیں، ان میں زیادہ خون بہنے لگتا ہے کیونکہ وٹامن سی زخم بھرنے میں مدد دیتا ہے جس کی کمی کے باعث مسوڑے جلد ٹھیک نہیں ہوپاتے۔

خشک بال

جب بال صحت مند اور چمکدار ہو تو یہ اس بات کی علامت ہے کہ آپ متوازن غذا کا استعمال کررہے ہیں، مگر جب اس کے سرے ٹوٹنے لگے اور بال خشک ہوجائیں تو ممکنہ طور پر یہ وٹامن سی کی کمی کی وجہ سے ہوسکتا ہے۔ بالوں کی مضبوطی اور صحت کا انحصار کولیگن پر ہوتا ہے جس کی پیداوار میں وٹامن سی کا اہم کردار ہے، اس وٹامن کی کمی گنج پن کا شکار بھی کرسکتی ہے۔

زخم جلد نہ بھرنا

جسم کے زخم بھرنے کا میکنزم کسی حد تک وٹامن سی پر انحصار کرتا ہے، یہ وٹامن کولیگن کی پیداوار بھی بڑھاتا ہے جو ان ٹشوز کو مضبوط کرتا ہے جو زخم کے اوپر بنتے ہیں۔

آئرن کی کمی

وٹامن سی سبزیوں سے حاصل ہونے والے آئرن کو آسانی سے جذب ہونے میں مدد دیتا ہے اور اس کے بغیر وہ جذب نہیں ہوپاتا، یعنی وٹامن سی کی کمی خون کی کمی کا باعث بھی بن سکتی ہے۔

Comments

یہ بھی پڑھیں