The news is by your side.

ڈاکوؤں کے آنے پر کتے کا عجیب و غریب ردعمل، مالک حیران، ویڈیو وائرل

کتے کے بارے میں یہ بات مشہور ہے کہ اس کا شمار وفادار جانوروں میں ہوتا ہے اور یہ اپنے مالک کی جان و مال کے تحفظ کیلئے اپنی جان دینے سے بھی دریغ نہیں کرتا۔

لیکن بعض اوقات بہت سی باتیں اور کہاوتیں محض کتابوں تک محدود دکھائی دیتی ہیں، ان کا حقیقت سے کوئی تعلق نہیں ہوتا کچھ ایسا ہی واقعہ تھائی لینڈ میں پیش آیا۔

سوشل میڈیا پر وائرل ہونے والی ایک ویڈیو جسے دیکھ کر صارفین مسکرائے بغیر نہ رہ سکے, جس میں دکان کے مالک نے اپنے کتے کو آزمانے کیلئے اس کے ساتھ ڈرامہ کیا، جس کا نتیجہ دیکھ کر اسے بہت افسوس ہوا۔

تھائی لینڈ میں ایک جیولری شاپ کے مالک کو اس وقت حیرانی کا سامنا کرنا پڑا جب اس کی دکان پر ڈاکو آئے اور قیمتی زیورات چھین کر آسانی سے فرار ہوگئے۔

اس پوری واردات کے دوران دکان کے دروازے پر موجود اس کا پالتو کتا مزے سے سوتا رہا، جس پر اس کے مالک نے اسے دنیا کے سب سے بیکار محافظ کتے کا لقب دیا۔

دکان کا مالک وراوت لومواناونگ دراصل یہ جاننا چاہتا تھا کہ اگر کبھی ایسا واقعہ رونما ہوجائے تو اس کے پالتو کتے لکی کا کیا رد عمل ہوگا اور یہی جاننے کیلئے اس نے ڈکیتی کا ڈرامہ رچایا۔

وائرل ویڈیو میں دیکھا جاسکتا ہے کہ جب جعلی ڈکیتی کی واردات ہوئی تو لکی (کتے) نے اپنے مالک کی حفاظت کی ذرا بھی فکر نہیں کی اس نے یہ دیکھنے کے لیے بھی سر نہیں اٹھایا کہ دکان میں کیا ہو رہا ہے اور جعلی ڈاکو کو زیورات لے کر فرار ہونے دیا۔

سوشل میڈیا صارفین یہ ویڈیو دیکھ کر خوب محظوظ ہوئے اور اس پر دلچسپ تبصرے بھی کیے، ایک صارف کا کہنا تھا کہ کتا سوچ رہا ہوگا کہ میں جانتا ہوں میرا مالک جعلی ویڈیو بنا رہا ہے لہٰذا میں سکون سے سوتا رہوں گا۔

ایک اور صارف نے لکھا کہ یہ دنیا کا سب سے بیکار محافظ کتا ہونا چاہیے کیونکہ جب وہ ڈاکو دکان میں آیا تو اس نے نظر اٹھا کر دیکھنا بھی گوارہ نہ کیا۔

Comments

یہ بھی پڑھیں