The news is by your side.

Advertisement

پی ٹی آئی حکومت شعبہ صحت کی بہتری پر خصوصی توجہ دے رہی ہے،عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ پی ٹی آئی حکومت شعبہ صحت کی بہتری پر خصوصی توجہ دے رہی ہے۔

تفصیلات کے مطابق وزیراعلیٰ پنجاب سردار عثمان بزدار نے امراض قلب سے آگاہی کےعالمی دن پر اپنے پیغام میں کہا کہ دل کی بیماریوں سے بچاؤ کے لیے احتیاطی تدابیر سے آگاہی ضروری ہے۔

عثمان بزدار نے کہا کہ لائف اسٹائل تبدیل کرکے دل کےامراض سے محفوظ رہا جا سکتا ہے، دل کے امراض سے بچاؤ کے لیے واک، ورزش، صحت مند غذا ضروری ہے۔

وزیراعلیٰ پنجاب نے کہا کہ پی ٹی آئی حکومت شعبہ صحت کی بہتری پر خصوصی توجہ دے رہی ہے، دل کے امراض کے اسپتالوں میں معیاری علاج فراہم کرنا ترجیح ہے۔

سردار عثمان بزدار نے کہا کہ امراض قلب کے اسپتالوں کی تعداد میں اضافہ کیا جا رہا ہے، دور دراز علاقوں میں کارڈیک سینٹر بنانے کے لیے اقدامات کیے جا رہے ہیں۔

وزیراعلیٰ پنجاب نے کہا کہ ماضی میں ایسا ایک دل کا اسپتال نہ بن سکا جوعالمی سطح پرسہولتیں دے۔

پاکستان سمیت دنیا بھر میں آج دل کے امراض سے بچاﺅ کا عالمی دن منایا جا رہا ہے

واضح رہے کہ پاکستان سمیت دنیا بھر میں دل کے امراض سے متعلق شعور بیدار کرنے کے لیے امراض قلب کا عالمی دن آج منایا جا رہا ہے

Comments

comments

یہ بھی پڑھیں