The news is by your side.

Advertisement

عثمان بزدار کا سستے داموں سبزیاں فراہم کرنے کے لیے انوکھا قدم

لاہور: وزیر اعلیٰ پنجاب عثمان بزدار کی ہدایت پر صوبے کے عوام کو ریلیف دینے کا ایک اور بڑا قدم اٹھا لیا گیا ہے۔

تفصیلات کے مطابق پنجاب حکومت نے صوبے کے مختلف شہروں میں 32 ماڈل بازاروں میں کسان پلیٹ فارم قائم کر دیے جہاں کاشت کار اپنی اجناس براہ راست فروخت کر سکیں گے۔

وزیر اعلیٰ پنجاب نے ماڈل بازاروں میں کسان پلیٹ فارمز قائم کرنے کی ہدایت جاری کی تھی تاکہ کسان پلیٹ فارم پر کاشت کار اپنی اجناس براہ راست فروخت کر سکیں۔

وزیر اعلیٰ عثمان بزدار نے حکومتی اقدام کے بعد کہا ہے کہ کاشت کاروں کواپنی اجناس فروخت کرنے کے لیے جگہ بلا معاوضہ دی گئی ہے، لاہور ڈویژن میں 12 ماڈل بازاروں میں کسان پلیٹ فارمز قائم کیے گئے ہیں۔

یہ بھی پڑھیں:  وزیراعلیٰ پنجاب کا ڈیرہ غازی خان کےعوام کے لیے تحفہ

عثمان بزدار کا کہنا تھا کہ مہنگائی کا تدارک بھی اس قدم سے ممکن ہو سکے گا، کسان پلیٹ فارم کے ذریعے عوام کو سستے داموں سبزیاں دستیاب ہوں گی، ہم عوام کو ریلیف دینے کے تمام ضروری اقدامات کر رہے ہیں۔

یاد رہے کہ گزشتہ ہفتے وزیر اعلیٰ عثمان بزدار نے ڈیرہ غازی خان کے قبائلی علاقوں کو بجلی فراہم کرنے کی بڑی نوید سنا دی تھی، انھوں نے اعلان کیا تھا کہ قبائلی علاقوں کے لیے 132 کے وی کا علیحدہ گرڈ اسٹیشن بنے گا، اس منصوبے پرتقریباً ایک ارب روپے لاگت آئے گی۔

Comments

comments

یہ بھی پڑھیں