The news is by your side.

Advertisement

عثمان بزدار کا تخریبی سرگرمیوں کے بروقت سدباب کے لیے اہم قدم

لاہور: عوام کے جان و مال کے تحفظ اور تخریبی سرگرمیوں کے بر وقت سد باب کے لیے اہم قدم اٹھاتے ہوئے وزیر اعلیٰ پنجاب عثمان بزدار نے نئی بم ڈسپوزل رسپانس گاڑیاں محکمے کے حوالے کر دیں۔

تفصیلات کے مطابق جدید آلات سے لیس نئی بم ڈسپوزل رسپانس گاڑیاں بی ڈی ایس کو مل گئیں جو پنجاب کے 8 اضلاع کے لیے ہیں، اس سلسلے میں ایک تقریب کا انعقاد بھی کیا گیا۔

تقریب کے موقع پر وزیر اعلیٰ عثمان بزدار نے نئی بم ڈسپوزل گاڑیوں کا معائنہ کیا، گاڑیوں میں رکھے جانے والے جدید آلات بھی دیکھے اور گاڑیاں متعلقہ اضلاع کے بم ڈسپوزل کمانڈر کے حوالے کیں۔

یہ نئی گاڑیاں بم ڈسپوزل سوٹ، مائن ڈیٹیکٹرز، ڈسرپٹرز اور دیگر جدید آلات سے لیس ہیں۔

وزیر اعلیٰ نے اس موقع پر کہا نئی گاڑیاں ملنے سے بم ڈسپوزل یونٹ کی کارکردگی بہتر ہوگی، پنجاب کے ہر ضلع کو بم ڈسپوزل رسپانس گاڑیاں دیں گے۔

انھوں نے کہا عوام کے جان و مال کے تحفظ کو یقینی بنایا جائےگا، دہشت گردی کے خلاف جنگ میں بی ڈی یو کی خدمات لائق تحسین ہیں۔ وزیر اعلیٰ نے اس موقع پر سول ڈیفنس پنجاب کی کارکردگی کو بھی سراہا۔

واضح رہے کہ پنجاب کے 12 اضلاع میں بم ڈسپوزل رسپانس گاڑیاں پہلے سے موجود ہیں، آج مزید 8 اضلاع کو نئی بم ڈسپوزل رسپانس گاڑیاں ملنے سے بم ڈسپوزل یونٹ کا دائرہ کار 20 اضلاع تک بڑھ گیا ہے۔

Comments

یہ بھی پڑھیں