The news is by your side.

Advertisement

جب ملک درست جانب گامزن ہوا ہے تو انہیں آزادی مارچ یاد آگیا، عثمان بزدار

لاہور : وزیراعلیٰ پنجاب سردار عثمان بزدار نے کہا ہے کہ جب ملک درست جانب گامزن ہوا ہے تو انہیں آزادی مارچ یاد آگیا، انتشار کی سیاست ملک وقوم کے مفاد میں نہیں۔

ان خیالات کا اظہار انہوں نے آج اپنے ایک جاری بیان میں کیا۔ انہوں نے کہا کہ عوام نے انتشار کی سیاست سے لاتعلق ہوکر حب الوطنی کا مظاہرہ کیا۔

انہوں نے کہا کہ سیاسی معاملات کے حل کیلئے بہترین فورم پارلیمنٹ ہے، سڑکیں نہیں،اپوزیشن کو سیاسی بالغ نظری کا مظاہرہ کرنا چاہیے۔

وزیراعلیٰ پنجاب نے کہا کہ عوام سیاسی خلفشارنہیں بلکہ ترقی اور خوشحالی چاہتے ہیں، انتشارکی سیاست ملک وقوم کے مفاد میں نہیں، ملک درست جانب گامزن ہوا ہےتو انہیں مارچ یاد آگیا،غیرجمہوری طرز عمل سے پاکستان کے بارے میں غلط پیغام جائے گا۔

عثمان بزدار نے کہا کہ منتخب وزیراعظم سے استعفے کا مطالبہ غیر آئینی اور غیر قانونی ہے،کوئی ذی شعور ایسے غیر منطقی مطالبے کی حمایت نہیں کر سکتا، مارچ والے صرف مارچ کرتے ہی رہ جائیں گے۔

وزیراعلیٰ عثمان بزدار نے مزید کہا کہ مسترد شدہ عناصر اپنی ناکامیوں کا بدلہ ترقی روک کر عوام سے لینے کے درپے ہیں۔

انہوں نے کہا کہ تبدیلی سے خائف عناصر کا منفی ایجنڈا ناکام رہے گا اور نان ایشوز پر سیاست کرنے والوں کو شرمندگی کا سامنا کرنا پڑے گا، ملک و قوم کا وقت ضائع کرنے والوں کو اپنے دور میں لوٹے گئے قومی وسائل کا حساب دینا ہوگا۔

Comments

comments

یہ بھی پڑھیں