The news is by your side.

Advertisement

ہمارا رویہ آپ کے رویے سے بہتر رہے گا: عثمان بزدار کا شہباز شریف کی تنقید کا کرارا جواب

لاہور: وزیر  اعلیٰ پنجاب عثمان بزدار نے مسلم لیگ ن کے صدر  شہباز شریف کو  ٹویٹر پر کڑی تنقید کا نشانہ بنایا ہے.

تفصیلات کے مطابق وزیر اعلیٰ پنجاب نے ٹویٹر پر شہباز شریف کو مخاطب کرتے ہوئے کہا کہ پی ٹی آئی حکومت نے بطور قیدی آپ کے حقوق سے بڑھ کر سہولیات فراہم کیں.

یاد رہے کہ آج شہباز شریف نے مسلم لیگ ن کے قائد نواز شریف سے کوٹ لکھپت میں‌ ملاقات کی اجازت نہ ملنے پر  حکومت کو تنقید کا نشانہ بنایا تھا.

انھوں نے لکھا کہ میں اور خاندان کے دیگر افراد ہفتے میں دو تین بار ملتے تھے، تا کہ ان کی صحت کے بارے میں با خبر رہ سکیں، لیکن اب صرف جمعرات تک محدود کر دیا گیا۔ ماں، بہن، بھائی اور  بیٹی سے یہ حق چھیننا سراسرظلم و زیادتی ہے.

اس کے جواب میں وزیر اعلیٰ عثمان بزدار نے لکھا کہ شہباز شریف کو لگتا ہے کہ آج بھی تمام حکومتیں ان کی اپنی ماضی کی حکومت کی طرح قانون کے برخلاف کام کرتی ہیں۔ ماضی میں مخالف پارٹیوں کے قیدیوں کو ہر طرح کی اذیتیں دی جاتی تھیں، طبی سہولیات تو کُجا، ان کے ساتھ غیر انسانی سلوک روا رکھا جاتا تھا۔

کوٹ لکھپت جیل میں قید نوازشریف سےملاقات نہ ہونے پر شہبازشریف ناراض

انھوں‌نے مزید لکھا کہ اس کے برعکس پی ٹی آئی کی حکومت نے بطور قیدی آپ کے حقوق سے بڑھ کر سہولیات فراہم کیں۔ جیل مینوئل کے مطابق ہفتے میں ایک ملاقات کی اجازت ہے جو ضرور کروائی جائے گی، حکومت پنجاب جیل مینوئل کے مطابق دیگر تمام سہولیات بھی فراہم کرتی رہے گی۔ یقین رکھیے ہمارا رویہ آپ کے رویے سے بہتر رہے گا۔

Comments

comments

یہ بھی پڑھیں