The news is by your side.

Advertisement

تھانوں میں عام آدمی کی داد رسی کے لیے پولیس کو فعال ہونا ہے: وزیر اعلیٰ پنجاب

لاہور: وزیر اعلیٰ پنجاب عثمان بزدار کا کہنا ہے کہ عوام کے جان و مال کا تحفظ پولیس کی بنیادی ذمہ داری اور اولین فرض ہے، تھانوں میں عام آدمی کی داد رسی کے لیے پولیس کو فعال انداز میں کام کرنا ہے۔

تفصیلات کے مطابق وزیر اعلیٰ پنجاب عثمان بزدار سے انسپکٹر جنرل (آئی جی) پنجاب شعیب دستگیر کی ملاقات ہوئی۔ ملاقات میں امن وا مان اور عوام کے جان و مال کے تحفظ کے لیے اقدامات پر تبادلہ خیال کیا گیا۔

اس موقع پر وزیر اعلیٰ پنجاب عثمان بزدار کا کہنا تھا کہ عوام کے جان و مال کا تحفظ پولیس کی بنیادی ذمہ داری اور اولین فرض ہے۔ پولیس کو بہتر امن کے لیے جانفشانی سے فرائض سر انجام دینا ہوں گے۔

انہوں نے کہا کہ تھانوں میں عام آدمی کی داد رسی کے لیے پولیس کو فعال انداز میں کام کرنا ہے۔ پولیس افسروں اور اہلکاروں نے دہشت گردی کے خلاف جانوں کے نذرانے پیش کیے۔

وزیر اعلیٰ نے مزید کہا کہ پولیس کو قیام امن کے لیے عوام کی توقعات پر ہر صورت پورا اترنا ہوگا۔ قیام امن اور جرائم کے سدباب کے لیے وسائل کی فراہمی میں کمی نہیں آنے دی جائے گی۔

خیال رہے کہ نئے آئی جی پنجاب پولیس شعیب دستگیر نے گزشتہ روز اپنے عہدے کا چارج سنبھالا ہے۔ شعیب دستگیر چارج سنبھالنے والے پانچویں آئی جی پنجاب پولیس ہیں۔

شعیب دستگیر اس سے پہلے ایم ڈی نیشنل پولیس فاؤنڈیشن تھے، وہ آئی جی آزاد کشمیر بھی رہ چکے ہیں اور یو این مشن میں بھی کام کا تجربہ رکھتے ہیں۔

fb-share-icon0
Tweet 20

Comments

comments

یہ بھی پڑھیں