The news is by your side.

Advertisement

وزیر اعلیٰ پنجاب عثمان بزدار نے لاہور کے تاجروں کو خوشخبری سنا دی

لاہور: وزیر اعلیٰ پنجاب سردار عثمان بزدار کا کہنا ہے کہ تحریک انصاف کی حکومت کاروبار دوست حکومت ہے، صنعتکاروں اور تاجروں کے مسائل حل کرنے کے لیے فوری اقدامات کریں گے۔

تفصیلات کے مطابق وزیر اعلیٰ پنجاب سردار عثمان بزدار سے لاہور چیمبر آف کامرس اینڈ انڈسٹری کے صدر میاں طارق کی ملاقات ہوئی۔ عثمان بزدار نے میاں طارق کو لاہور چیمبر کا صدر منتخب ہونے پر مبارکباد دی۔

ملاقات میں صنعتکاروں اور تاجروں کو درپیش مسائل کے حل کے حوالے سے گفتگو ہوئی، وزیر اعلیٰ نے صنعتکاروں اور تاجروں کے مسائل ترجیحی بنیادوں پر حل کرنے کی یقین دہانی کروائی۔

وزیر اعلیٰ کا کہنا تھا کہ تحریک انصاف کی حکومت بزنس فرینڈلی حکومت ہے، صنعتکاروں اور تاجروں کے مسائل حل کرنے کے لیے فوری اقدامات کریں گے۔

انہوں نے کہا کہ میرا دفتر آپ کے لیے ہمہ وقت کھلا ہے، کاروبار میں آسانیاں پیدا کر رہے ہیں اور کرتے رہیں گے۔ لاہور چیمبر میں ون ونڈو آپریشن کے ماڈل کو انڈسٹریل اسٹیٹس تک پھیلائیں گے۔

عثمان بزدار کا کہنا تھا کہ حج و عمرے کے لیے ٹور آپریٹرز کی سالانہ فیس کے خاتمے کا جائزہ لیں گے، واٹر ٹیرف کا مسئلہ حل کیا جائے گا۔ لاہور میں نئے پارکنگ پلازے بنائیں گے، تاجر برادری پارکنگ پلازوں کے لیے جگہ کی نشاندہی کرے۔

انہوں نے مزید کہا کہ چھوٹے تاجروں کے مسائل ترجیحی بنیادوں پر حل کیے جائیں گے۔

Comments

یہ بھی پڑھیں