The news is by your side.

Advertisement

وزیراعلیٰ پنجاب کی ڈینگی پرقابوپانے کے لیے موثراقدامات کی ہدایت

لاہور: وزیراعلیٰ پنجاب سردار عثمان بزدار کا کہنا ہے کہ ڈینگی کے سدباب کے لیے صوبے میں ادارے فعال کردار ادا کریں۔

تفصیلات کے مطابق وزیراعلیٰ پنجاب سردار عثمان بزدار نے ڈینگی پر قابو پانے کے لیے موثر اقدامات کی ہدایت کرتے ہوئے کہا کہ انسداد ڈینگی کیلئے وضع پلان پر100فیصد عمل یقینی بنایا جائے۔

وزیراعلیٰ پنجاب نے کہا کہ ڈینگی کے سدباب کے لیے صوبے میں ادارے فعال کردار ادا کریں، کوتاہی جہاں نظر آئی وہاں پر سخت ایکشن لیا جائے گا۔

محکمہ صحت پنجاب کے مطابق حالیہ بارشوں کے بعد ڈینگی بخار کے مریض سامنے آنے لگے ہیں، سب سے زیادہ ڈینگی مریض اسلام آباد کے نواحی علاقے گلشن اقبال میں سامنے آئے ہیں جن کی تعداد 100 ہے۔

محکمہ صحت کا کہنا ہے کہ لاہور میں 13 افراد میں ڈینگی وائرس کی تصدیق ہوئی ہے جبکہ دیگر اضلاع سے 133 کیسز رپورٹ ہوئے ہیں، 21 کا تعلق دوسرے صوبوں سے ہے۔

محکمہ صحت کا کہنا ہے کہ سرویلنس ٹیموں کی مانیٹرنگ مزید سخت کردی گئی ہے، ڈینگی پر جلد قابو پالیں گے۔

Comments

comments

یہ بھی پڑھیں