The news is by your side.

Advertisement

اچھی قوم کے لیے اچھے اساتذہ کی ضرورت ہے‘ عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ مڈل لیول پرسائنس اورآرٹس کے رحجانات متعارف کرائیں گے۔

تفصیلات کے مطابق وزیراعلیٰ پنجاب سردار عثمان نے نئی تعلیمی پالیسی کا اعلان کرتے ہوئے کہا کہ پرائمری لیول تک اردومیں تعلیم دی جائے گی، انگریزی کوبطورمضمون پڑھایا جائے گا۔

سردار عثمان بزدار نے کہا کہ مڈل لیول پرسائنس اورآرٹس کے رحجانات متعارف کرائیں گے، انصاف آفٹرنون پروگرام بھی شروع کیا جا رہا ہے، اسکولوں میں صاف پانی، اسپورٹس لازمی ہوگی۔

وزیراعلیٰ پنجاب سردار عثمان بزدار نے مزید کہا کہ اچھی قوم کے لیے اچھے اساتذہ کی ضرورت ہے۔

اس سے قبل گزشتہ روز وزیراعلیٰ پنجاب کا کہنا تھا کہ تحریک انصاف ترقی کے سفرکوپسماندہ علاقوں تک لے جائے گی، سابق دورمیں قومی وسائل کا بے دریغ ضیاع کیا گیا، ماضی کی حکومتوں نےعوام کی بنیادی ضرورتوں کونظراندازکیا۔

واضح رہے کہ دو روز قبل وزیراعلیٰ پنجاب سردار عثمان بزدار نے دانش اسکول اتھارٹی کے اجلاس اجلاس سے خطاب کرتے ہوئے کہا تھا کہ پنجاب کے ہربچے کواعلیٰ ترین تعلیم کے مواقع فراہم کرنا چاہتے ہیں۔

پنجاب کےہربچےکو اعلیٰ ترین تعلیم کے مواقع فراہم کرنا چاہتے ہیں‘ عثمان بزدار

وزیراعلیٰ پنجاب کا کہنا تھا کہ دانش اسکول کے اخراجات میں کمی پرانتظامی تبدیلیاں کی جائیں گی، اسکولوں کی تعمیرمیں گھپلے پرقومی خزانے کی پائی پائی وصول کریں گے۔

Comments

comments

یہ بھی پڑھیں