قبضہ مافیا کے خلاف بلا امتیازکارروائی جاری رہے گی‘ عثمان بزدار -
The news is by your side.

Advertisement

قبضہ مافیا کے خلاف بلا امتیازکارروائی جاری رہے گی‘ عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ قبضہ مافیا کےخلاف زیروٹالرنس کی پالیسی پرعملدرآمد جاری رہے گا۔

تفصیلات کے مطابق پولیس نے قصور کےعلاقے ڈھنگ شاہ میں شہری کے گھرسے قبضہ چھڑا لیا، وزیراعلیٰ پنجاب نے بااثرافراد کے خلاف پولیس کوہدایات جاری کی تھیں۔

قصورڈھنگ شاہ میں مقامی با اثرافراد نےغریب شہری کے گھرپرقبضہ کرلیا تھا، غریب شہری نے گھر واگزارکرانے پروزیراعلیٰ پنجاب کا شکریہ ادا کیا۔

وزیراعلیٰ پنجاب نے کہا کہ قبضہ مافیا کے خلاف بلا امتیازکارروائی جاری رہے گی، شہریوں کی جائیدادوں پرقبضے کرنے والوں کے خلاف کارروائی ہوگی۔

سردار عثمان بزدار نے کہا کہ موجودہ حکومت قبضہ مافیا کوکسی صورت برداشت نہیں کرے گی، قبضہ مافیا کے خلاف زیروٹالرنس کی پالیسی پرعملدرآمد جاری رہے گا۔

قانون کی بالادستی اوربدعنوانی کا خاتمہ ہمارا مشن ہے‘ عثمان بزدار

یاد رہے کہ گزشتہ ہفتے وزیراعلیٰ پنجاب کا کہنا تھا کہ جس معاشرے میں انصاف کا حصول نہیں وہاں بگاڑپیدا ہوجاتا ہے، انصاف اورقانون کی بالا دستی کوہرصورت یقینی بنائیں گے۔

سردار عثمان بزدار کا کہنا تھا کہ قانون کی بالا دستی اوربد عنوانی کا خاتمہ ہمارامشن ہے، انصاف پرمبنی معاشرہ سماجی، معاشرتی، اقتصادی ترقی کے لیے ناگزیرہے۔

Comments

comments

یہ بھی پڑھیں