The news is by your side.

Advertisement

تحریک انصاف کی حکومت کمزور کے ساتھ کھڑی ہے، عثمان بزدار

لاہور: وزیراعلیٰ پنجاب سردار عثمان بزدار نے کہا کہ نئے پاکستان کی ترقی کے سفر میں رکاوٹ حائل نہیں ہونے دیں گے۔

تفصیلات کے مطابق وزیراعلیٰ پنجاب نے میڈیا سے گفتگو کرتے ہوئے کہا کہ ماضی میں وسائل کا رخ صرف چند علاقوں تک محدود تھا۔

سردار عثمان بزدار نے کہا کہ علاقے محرومیوں اورپسماندگی کا شکار ہوتے گئے، وسائل کا رخ وزیراعظم کے وژن کے مطابق پسماندہ علاقوں کی طرف ہے۔

وزیراعلیٰ پنجاب نے کہا کہ ہر پسماندہ تحصیل کو ترقی یافتہ علاقوں کے برابر لائیں گے، نئے پاکستان کی ترقی کے سفر میں رکاوٹ حائل نہیں ہونے دیں گے۔

سردار عثمان بزدار نے کہا کہ تحریک انصاف کی حکومت کمزور کے ساتھ کھڑی ہے، 100 دن میں جتنا کام کیا گزشتہ حکومتیں کسی دورمیں نہ کرسکیں۔

پاکستان میں کرپٹ لوگوں کی کوئی گنجائش نہیں، عثمان بزدار


یاد رہے کہ رواں ماہ 9 دسمبر کو وزیراعلیٰ پنجاب کا کہنا تھا کہ کرپشن کرنے والے عوام اور ملک سے غداری کرتے ہیں، حکومت کرپشن کے خاتمے کا ایجنڈا لے کر اقتدار میں آئی ہے۔

سردار عثمان بزدار کا کہنا تھا کہ نئے پاکستان میں کرپٹ لوگوں کی کوئی گنجائش نہیں، کرپشن کے خلاف زیرو ٹالرنس کی پالیسی اپنائی گئی ہے۔

Comments

comments

یہ بھی پڑھیں