The news is by your side.

Advertisement

صحت کارڈ کی فراہمی فلاحی ریاست کی جانب اہم قدم ہے، وزیراعلیٰ پنجاب

لاہور: وزیراعلیٰ پنجاب سردار عثمان بزدار نے کہا ہے کہ صحت کارڈ کی فراہمی فلاحی ریاست کی جانب اہم قدم ہے، ریاست مدینہ کے تصور کے تحت ریاست پر ہر خصوصی فرد کی ذمے داری ہے۔

تفصیلات کے مطابق وزیراعلیٰ پنجاب سردار عثمان بزدار کا کہنا ہے کہ صحت کارڈ تحریک انصاف کا فلیگ شپ پروگرام ہے، نومبر تک ساڑھے 4 لاکھ افراد صحت انصاف کارڈ سے مستفید ہوچکے ہیں۔

وزیراعلیٰ پنجاب نے کہا کہ صحت کارڈ کی فراہمی فلاحی ریاست کی جانب اہم قدم ہے، ریاست مدینہ کے تصور کے تحت ریاست پر ہر خصوصی فرد کی ذمے داری ہے۔

سردار عثمان بزدار نے کہا کہ خصوصی بچوں کی خصوصی مراکز تک آمدورفت کے لیے 14 بسیں فراہم کی ہیں، خصوصی افراد کو معاشرے کا فعال شہری بنانے کے لیے ہرممکن اقدام کریں گے۔

دوسری جانب صوبائی وزیر صحت یاسمین راشد نے کہا کہ پنجاب میں ساڑھے 3 کروڑ افراد میں صحت کارڈ تقسیم کر رہے ہیں، کارڈ پاکستان کے کسی کونے میں بھی استعمال کرسکتے ہیں۔

وزیرصحت پنجاب نے کہا کہ ہیلتھ کارڈ کے ذریعے جگر، دل کے آپریشن سمیت تمام علاج ہوسکے گا، صحت کارڈ سے 7لاکھ 20 ہزار روپے تک علاج کرایا جاسکتا ہے۔

ڈاکٹر یاسمین راشد نے مزید کہا کہ صحت کارڈ کے پینل پر 140 اسپتال ہیں، صوبے کے 70 ہزار معذور افراد میں صحت کارڈ تقسیم کیے جا رہے ہیں۔

Comments

یہ بھی پڑھیں